Depýtat S. Romanovskaıa: Áleýmettik jelilerde maǵan shaǵyn avıatsııany damytý máselesi boıynsha jıi hat keledi
ASTANA. 5 qarasha. QazAqparat - Qazaqstan óńirleri Astana men Almaty sekildi birdeı damýy tıis.
Bul týraly búgin QR Prezıdenti janyndaǵy Ortalyq kommýnıkatsııalar qyzmetindegi baspasóz máslıhatynda QR Parlamenti Májilisiniń depýtaty Svetlana Romanovskaıa málim etti.
Qaraǵandydaǵy shaǵyn ushaqtar shyǵarý máselesine toqtalǵan depýtat, áleýmettik jelilerde ózine shaǵyn avıatsııa máselesi boıynsha jıi hat kelip túsetinin aıtyp ótti.
«Kólik salasyna kelgende, bizde nege barlyǵy sonshalyqty qymbat? Máselen, AQSh pen Eýropa elderinde kóliktiń kóptegen túrleri bar. Árıne, Qazaqstan óte úlken memleket ekenin túsinemiz. Bir qaladan ekinshi qalaǵa saparlaý qymbatqa túsedi. Degenmen de óńirler Astana men Almaty sekildi damyp, aımaqtardaǵy kommýnıkatsııalar tıisti deńgeıge jetkizilýi tıis»,-dedi Svetlana Romanovskaıa.
