Depýtat S. Áıimbetov statıstıka salasynda kadrlarǵa qatysty ǵylymı-zertteý ınstıtýtyn qurýdy usyndy
ASTANA. QazAqparat - Statıstıka salasynda kadrlardyń biliktigin arttyrý jáne qaıta daıarlaý ǵylymı-zertteý ınstıtýtyn qurý kerek. Búgin Májilistegi Úkimet saǵatynda qosymsha depýtat Seıitsultan Áıimbetov osylaı málim etti. Eske salaıyq, Úkimet saǵatynda QR Statıstıka agenttiginiń byltyrǵy jylǵy jumys qorytyndylary talqylanǵan bolatyn.
«BUU statıstıkalyq komıssııasynyń biryńǵaı ádistemelik usynymymen, Statıstıka agenttigi halyqaralyq saýdanyń statıstıkasyn qoldaný jáne kásipkerlik sýbektilermen halyqty obektıvti, anyq statıstıkalyq aqparatpen qamtý úshin saýdany esepke alýdyń ortaq júıesin paıdalaný kerek. Bul maqsatta Keden odaǵynyń statıstıka organdarymen ózara jumysty jandandyrý qajet. Aldaǵy Dúnıejúzilik saýda uıymyna elimizdiń enýine baılanysty agenttik basqa elderdiń statıstıka organdarymen jumysty belsendi ete túsýi kerek», - dedi S. Áıimbetov. Budan bólek, Májilis depýtaty statıstıka salasynda kadrlyq áleýet máselesin júıeli túrde keshendi sheshý úshin kadrlardyń biliktigin arttyrý jáne qaıta daıarlaý ǵylymı-zertteý ınsıtıtýtyn qurý qajettigin atap ótti. «Bul ınstıtýt halyqaralyq talaptarǵa sáıkes, statıstıka mamandaryna qatysty salamen aınalysar edi. Qazirgi zamanda jaqsy qural men ádisteme bolmasa, sapaly ári anyq derekterdi ala almaımyz», - dedi S. Áıimbetov.
