Depýtat polıtseılerdi áleýmettik qorǵaý máselelerin sheshýdi usyndy
NUR-SULTAN. QazAqparat - Turǵyn úıdi jalǵa alý úshin ótemaqy ala alatyn ishki ister organdary qyzmetkerleriniń tizbesin keńeıtý qajet. Bul týraly Senattyń jalpy otyrysynda depýtat Nurlan Beknazarov aıtty, dep habarlaıdy QazAqparat tilshisi.
«Іshki ister organdarynyń vedomstvolyq turǵyn úı qory joq. Sondyqtan Іshki ister mınıstrligi qyzmetkerlerge turǵyn úıdi jaldaý úshin ótemaqy tóleýmen shekteledi. Alaıda, bul tólemderdi barlyq qyzmetker ala almaıdy. Óıtkeni turǵyn úı tólemderin alý úshin qyzmetkerlerdiń jekelegen sanattarynyń tizbesin Úkimet aıqyndaıdy. Soǵan baılanysty búginde ishki ister organdary qyzmetkerleriniń 28 paıyzǵa jýyǵy baspanaǵa muqtaj», – dedi senator Premer-Mınıstr Álıhan Smaıylovtyń atyna joldaǵan depýtattyq saýalynda.
Nurlan Beknazarov bul problema kadrlardyń turaqtamaýyna, ishki ister organdary qyzmetkerleriniń jumysqa degen jaýapkershiligi men yntasynyń tómendeýine tikeleı áser etedi dep esepteıdi.
Senator osy máselelerdi sheshý úshin Premer-Mınıstrden tıisti, qajet bolsa qoldanystaǵy zańnamaǵa ózgerister engizýdi talap etetin sharalar qabyldaýdy surady.
