Depýtat Pavel Kazantsev Prezıdenttiń suhbatyn shaǵyn Joldaýǵa teńedi
Májilis depýtaty Pavel Kazantsev Prezıdent Qasym-Jomart Toqaevtyń «Egemen Qazaqstan» gazetine bergen suhbatyn shaǵyn Joldaýǵa teńedi, dep habarlaıdy Kazinform.
«Bul suhbat bir jaǵynan jyldy qorytyndylady. Ekinshi jaǵynan eldiń keleshek baǵdaryn aıqyndaǵan suhbat boldy. Negizi bul materıal shaǵyn bir aralyq Joldaý sııaqty. Qandaı sharýa atqarylǵany, bolashaqta ne isteletini aıtylǵan», — dedi Pavel Kazantsev.
Onyń paıymynsha suhbatta aıtylǵan ustanymdar eldiń energetıka salasyndaǵy saıasattyń qalaı órbıtinin aıqyndaı túsken.
«Energetıka — eń mańyzdy salanyń biri. Óıtkeni qazir biz elektr qýatynyń tapshylyǵyna tap kelip otyrmyz», — deıdi depýtat.
Májilis ókili qosarlaǵan bılik týraly alypqashpa áńgimelerge de osy suhbatta núkte qoıylǵanyn aıtady.
«Prezıdent elde qosarlanǵan bılik bolǵanyn osy joly birinshi ret aıtty-aý deımin. Bul belgili bir dárejede Qańtar oqıǵasyna da túrtki bolǵany aıtyldy. Óziniń bir merzimge ǵana saılanǵanyn, ony biz — depýtattar ári qaraı bekite túsetinimizdi taǵy da qadap aıtty. Konstıtýtsııa osyndaı júıege negizdelip tolyqqanyn da atap ótti», — deıdi Pavel Kazantsev.
