Depýtat N. Sabılıanov aýyz sýǵa bólingen qarajattyń tıimdi jumsalǵanyna kúmánmen qaraıdy
ASTANA. Qyrkúıektiń 29-y. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Nurtaı Sabılıanov Qazaqstan Respýblıkasynyń Bas prokýrory Qaırat Mámıge saýal joldady.
Onda depýtat Shyǵys Qazaqstan oblysy boıynsha birqatar eldi mekende aýyz sý tapshylyǵy áli de oryn alyp otyrǵanyn aıtyp, bul baǵytta bólingen qarajattyń tıimdiligine tekserý júrgizýdi surady.
«2010 jylǵy shilde-tamyz aılarynda Shyǵys Qazaqstan oblysy Aıagóz aýdanynda saılaýshylarmen kezdesý ótkizgende turǵyndar Aıakóz aýdanyna qarasty Tarbaǵataı aýylyndaǵy sý qubyry jelilerin jáne «Qosaǵash-Mádenıet-Bıdaıyq» toptyq sý júıesin salýda oryn alyp otyrǵan keleńsiz jaǵdaılar týraly másele kóterdi. Ondaǵy eldi mekenderge sý 2-3 saǵat qana beriledi. Ornatylǵan qudyqtar bıikte, keıbireýi jumys istemeıdi, sýdyń sapasy nashar. Sonyń saldarynan qarjy bólingenimen, turǵyndar taza aýyz sýǵa áli tolyq qol jetkize almaı otyr», dedi depýtat.
Onyń aıtýynsha, Qosaǵash, Mádenıet, Bıdaıyq aýyldarynyń sý qubyry jelilerin qaıta jańartýǵa 2006-2009 jyldary respýblıkalyq bıýdjetten 513 mln. 948 myń teńge, sonyń ishinde 2009 jyly 102 mln. 748 myń teńge bólingen. Al Aıagóz aýdany Tarbaǵataı aýylyndaǵy sý qubyry jelisin qaıta jańartýǵa respýblıkalyq bıýdjetten 2007-2010 jyldary - 174 mln. 016 myń teńge, sonyń ishinde 2010 jyly 81 mln. 200 myń teńge bólingen. «Osyǵan baılanysty Shyǵys Qazaqstan oblysy Aıagóz aýdany Qosaǵash, Mádenıet, Bıdaıyq aýyldaryndaǵy jáne Tarbaǵataı aýylyndaǵy sý qubyry jelilerin jańartý jumystaryna respýblıkalyq bıýdjetten bólingen qarjynyń maqsatyna saı jumsalýyn tekserýdi suraımyn. Qarajat bólindi, nege atalǵan aýyl turǵyndary taza aýyz sýǵa qol jetkize almaı otyrǵany túsiniksiz», dedi N. Sabılıanov.
