Depýtat: Memlekettik kompanııalardan túsetin dıvıdend kólemi eki ese azaıyp ketken

ASTANA. KAZINFORM — Májilis depýtaty Ulasbek Sádibekov Úkimet tanystyrǵan 2026-28 jyldarǵa arnalǵan respýblıkalyq bıýdjet jobasyna qorytyndy baǵa bere otyryp, qujattaǵy mańyzdy kemshilikterdi atady.

— Bıýdjetpen birge usynylǵan qujattardyń sapasy áli de kóńil kónshitpeıdi. Kóp jaǵdaıda maqsattar men kórsetkishter naqty shyǵystarmen baılanyspaıdy, ólshenbeıdi jáne qoǵamǵa oń áser etpeıdi. Damý josparlary da kóbine formaldy túrde daıyndalǵan. Shyǵystardy sholý tek negizgi baptarmen shektelip, basymdyqtar men tıimdilikke naqty baǵa berilmegen. ıAǵnı, jańa formattaǵy bıýdjet daıyndalǵanymen, burynǵy tásilder áli de saqtalyp otyr, — dedi ol.

Depýtattyń paıymynsha, Úkimetke kvazımemlekettik sektor týraly saıasatyn qaıta qaraý kerek.

— Sonymen qatar, memlekettik kompanııalardan bıýdjetke túsetin dıvıdend kólemi ótken jylmen salystyrǵanda eki ese azaıǵan. Bul bıýdjettiń kiris áleýetin tómendetip, kvazımemlekettik sektor saıasatyn qaıta qaraýdy qajet etedi, — dedi Ulasbek Sádibekov.

Eske salsaq, búgin Premer-mınıstrdiń orynbasary — Ulttyq ekonomıka mınıstri Serik Jumanǵarın eldiń 2026 — 2028 jyldarǵa arnalǵan áleýmettik-ekonomıkalyq damý boljamyn tanystyrǵan edi.