Depýtat mektepterde «Dintaný negizderi» pániniń saǵatyn arttyrýdy usyndy
ASTANA. 17 maýsym. QazAqparat - Búgin Májiliste QR Din isteri agenttiginiń qyzmetine arnalǵan Úkimet saǵatynda Halyqaralyq ister, qorǵanys jáne qaýipsizdik komıtetiniń tóraǵasy
Máýlen Áshimbaev mektepterde oqytylatyn «Dintaný negizderi» pániniń saǵatyn arttyrýdy usyndy.
«Jastardyń dinı saýattylyǵyn arttyrýdyń mańyzy zor. Búgingi tańda mektepterdiń 9-synybynda «Dintaný negizderi» páni oqytylady. Oǵan fakýltatıvtik saǵattardyń esebinen oqý jylyna 34 saǵat bólingen. Dintaný negizderi sekildi pán arqyly din jaıynda túsinikti jastaıynan, mektep qabyrǵasynan qalyptastyrý arqyly jalǵan nemese radıkaldy dinı aǵymdardyń jeteginde ketýdiń aldyn alýǵa bolady. Sol sebepti aldaǵy ýaqytta oqytý sapasyna kóńil aýdara otyryp, ádistemesin jetildirip, osy pánge arnalǵan saǵat sanyn arttyrý jón dep oılaımyn», - dedi M. Áshimbaev.
Sonymen qatar, depýtat sońǵy jyldary 390 jas dintaný mamandyǵy boıynsha joǵary oqý ornyn aıaqtaǵanyn aıtyp, olardy aldaǵy ýaqytta úgit-nasıhat jumystaryna keńinen tartý qajettigin jetkizdi. «Bul rette azamattarymyzdyń meılinshe shetelde beımálim, kúmándi oqý oryndarynda dáris alýyna jol bermeý kerek», - dedi M. Áshimbaev.
