Depýtat Mekkede Táýelsizdiktiń Kók týyn kótergen azamatty marapattady
ASTANA. QazAqparat - Parlament Májilisiniń depýtaty Baqytbek Smaǵul Aýǵan soǵysy ardagerleri uıymdarynyń «Qazaqstan ardagerleri» qaýymdastyǵynyń atynan marafonshy Dýlat Imanqajyny «B.Momyshuly. Namys» tós belgisimen marapattady.
Eske salsaq, Keńes áskeriniń Aýǵanstannan shyǵarylǵanyna 25 jyl tolýyna jáne QR Іshki Іster mınıstrliginiń erekshe maqsattaǵy mılıtsııa jasaǵynyń 25 jyldyǵyna arnap, sondaı-aq densaýlyq saqtaý salasyn damytýdyń «Salamatty Qazaqstan-2020» memlekettik baǵdarlamasyna qoldaý bildirgen marafonshy Dýlat Imanqajy aǵymdaǵy jyldyń 6 shildesinde «Astana-Mekke» beıbitshilik marafonyna shyqqan bolatyn.
«Beıbitshilik marafony 3 aıǵa ulasty. Dýlat kúnine 100 shaqyrym jolǵa júgirip otyrdy. Astana qalasynyń «Nur Astana» ortalyq meshitinen júgirip bastaǵan ol elimizdiń 6 oblysy men 4 memlekettiń shekarasyn qıyp ótip, 7000 shaqyrym qashyqtyqtaǵy qasıetti Mekkege óz aıaǵymen jetti», - delingen baspasóz baıanynda.
Jelaıaq Dýlat Imanqajy qyrkúıektiń 15-de qasıetti Mekkeniń topyraǵyn basyp, onda Qazaqstan Respýblıkasynyń kók týyn kótergen bolatyn. Atalǵan sapar 2014 jyldyń 13 qazanynda aıaqtalyp, Mekke qalasynda kóterilgen kók baıraq Respýblıkalyq memlekettik murajaıǵa tapsyrylatyn boldy.
