Depýtat MÁMS týraly: basqarý tetikteri ashyq bolý kerek

ASTANA. KAZINFORM – Májilis depýtaty Edil Jańbyrshınnen mindetti áleýmettik medıtsınalyq saqtandyrý (MÁMS) aınalasyndaǵy daý-damaıǵa qatysty pikirin suraǵan edik.

- Infraqurylymdyq jáne kadrlyq ózgerister jasaý kerek. Infraqurylymdyq degenge ne kiredi, qazir tsıfrlyq múmkindikti jasap qoıý kerek. Men qansha aqsham tústi, qaıda ketip jatyr, ony basqarý tetikteriniń bári ashyq bolý kerek. Eshkim eshteńe urlaı almaıtyndaı bolýy kerek, - dedi Edil Jańbyrshın Májilistiń jalpy otyrysynan keıin BAQ ókilderiniń saýalyna jaýap bere turyp.

Halyq qalaýlysynyń aıtýynsha, MÁMS qarjysyn ıgerý boıynsha jaýapkershilikti qatańdatý qajet.

- Sosyn jaqsy, bilikti mamandardy tartý qajet, ondaı azamattar bar. Sondyqtan adamdarǵa múmkindik berip, ınfraqurylymdardy jasaý kerek. Eger durystap kirisetin bolsa, 2 jyldyń ishinde sheshýge bolady, qıyn jaǵdaı emes, - dep tolyqtyrdy E.Jańbyrshın.

Keshe ótken Úkimettiń keńeıtilgen otyrysynda Memleket basysy MÁMS júıesin reformalaýdy jalǵastyrý kerektigin basa aıtty. Prezıdenttiń aıtýynsha, Úkimet Parlamentpen birge mindetti áleýmettik medıtsınalyq saqtandyrý júıesin jetildirý týraly zań jobasyn jedel pysyqtaýy kerek.