Depýtat ІІM-nen bank menedjerlerin alaıaqtyq shemalarǵa qarsy tekserýdi talap etti

ASTANA. KAZINFORM — Májilis depýtaty Ashat Rahymjanov kredıtpen baılanysty alaıaqtyq shemalarǵa bank menedjerleriniń qatysy bar degen málimeti aıtty. 

— Qazaqstanda alaıaqtyq tásilmen azamattardyń atyna júıeli túrde kredıt resimdeıtin uıymdasqan qylmystyq top jumys istep keledi. Bul máseleniń aýqymy orasan. Oǵan maǵan jáne partııamyzǵa túsip jatqan ótinishter dálel bola alady.

Shyǵys Qazaqstan oblysynda osy shemanyń áreketinen zardap shekken azamattar maǵan júgindi. Belgisiz nómirlerden qońyraý shalǵan adamdar azamattardy jekelegen bank fılıaldaryna jiberip otyrǵan. Azamattar men olardyń týystaryna jalǵan nesıeler osy fılıaldar arqyly berilip kelgen. Partııamyzda biz quqyq qorǵaý organdaryna usynatyn osyndaı qyzmetkerlerdiń tizimi bar, — deıdi ol.

Depýtat osy kúmándi adamdardy Іshki ister mınıstrligi tekserý kerek dep esepteıdi.

— Іshki ister mınıstrligi ekinshi deńgeıdegi bank menedjerleriniń qyzmetine jan-jaqty tekserý júrgizip, jalǵan senimhat arqyly kredıt resimdeý faktilerine quqyqtyq baǵa bersin. Óz tarapymyzdan josyqsyz qyzmetkerlerdiń tolyq tizimin usynamyz jáne tergeý sheńberinde, onyń ishinde Shyǵys Qazaqstan oblysy boıynsha organdarmen ózara is-qımyl jasaımyz, — dedi Ashat Rahymjanov.

Eske salsaq, Qarjylyq monıtorıng agenttigi alaıaqtyqtyń jańa túri paıda bolǵanyn málim etken bolatyn.