Depýtat M. Aısına Elbasy Joldaýyn túsindirý maqsatynda elordalyq quqyq qorǵaýshylarmen júzdesti
ASTANA. Aqpannyń 10-y. QazAqparat /Jasulan Amanbaıuly/ - Búgin QR Parlamenti Májilisiniń depýtaty Maıra Aısına Elbasy Joldaýynyń bysym baǵyttaryn túsindirý maqsatynda elordadaǵy Almaty aýdandyq ishki ister basqarmasynyń qyzmetkerlerimen kezdesti,
dep habarlaıdy QazAqparat.
«Jazaǵa tartý júıesine qaraıtyn bolsaq, negizinen bas bostandyǵynan aıyrý jazasy qoldanylady. Aıppul salý tek 5 paıyzdy qurasa, qoǵamdyq jumystarǵa tartý sharalary tipti joq. Sondyqtan, búkil quqyq qorǵaý organdarynyń jumysyn yqshamdap, ár organnyń ókilettilikterin naqtylaý qajet. Ekinshiden, aldymyzda zańnamalardy gýmanızatsııalaý sharty tur», dedi M. Aısına.
M. Aısına polıtseılerdi Joldaýda aıtylǵan mindetterge saı, quqyq qorǵaý salasyn jańa deńgeıge kóterý isine belsene aralasýǵa úndedi.
«Ár kezderde ótetin talqylaýlarda, jıyndarda kóptegen qarapaıym qyzmetkerler men «kishkentaı adammyn», meniń aıtqanymnan eshteńe ózgere qoımas deıdi. Sizderdi «kishkentaı adam» psıhologııasynan arylyp, árbireýlerińizdiń zańnamalardy, baǵdarlamalardy jasaqtaý jumystaryna atsalysýǵa shaqyramyn», dep atap kórsetti ol.
QR Parlamenti Májilisiniń depýtattary Úkimet qaraýyna Ákimshilik-protsessýaldy kodekske tolyqtyrýlar men ózgertýler engizgen jańa jobany joldady jáne Ákimshilik quqyqbuzýshylqtar týraly kodekstiń jańa redaktsııasyn engizdi. Elbasynyń tapsyrmasy boıynsha, Úkimet quqyq qorǵaý organdarynyń qyzmetin reformalaýǵa arnalǵan baǵdarlama ázirlep jatyr. Onyń aıtýynsha, baǵdarlama quqyq qorǵaý organdary aldyna qoıylǵan elimizdegi zańdylyqty saqtaý mindeti men olardyń qyzmetterin azamattar men qoǵamnyń baǵalaýyna jol ashady.
