Depýtat qurylysty tehnıkalyq qadaǵalaýdyń jaýapkershiligin kúsheıtýdi usyndy

ASTANA. KAZINFORM – Májilis depýtaty Murat Ergeshbaev qurylys salasynda tehnıkalyq qadaǵalaıtyndarǵa qatysty qylmystyq jaýapkershilik engizýdi usyndy.

Búgin Májiliste jańa Qurylys kodeksiniń jobasyn tanystyrý barysynda depýtat qazir zańnamada qurylysqa tapsyrys berýshiniń qylmystyq jaýapkershiligi qarastyrylǵanyn, al tehnıkalyq qadaǵalaý tek aıyppulmen ǵana qutylatynyn jáne is boıynsha kýáger bolyp shyǵatynyn aıtty.

«Qylmystyq kodekske olardyń da jaýapkershiligin kúsheıtýdi usynamyn», - dedi Murat Ergeshbaev.

Óz kezeginde QR Ónerkásip jáne qurylys vıtse-mınıstri Tımýr Qaraǵoıshın depýtattyq usynysyn qoldaıtynyn jáne atalǵan jaýapkershilikti kúsheıtý kerek ekenin aıtty.

Budan buryn habarlanǵandaı, qurylys salasyndaǵy ruqsat qujattaryna revızııa jasalady.