Depýtat kóp balaly otbasyǵa úı satyp alyp berdi

ORAL. QazAqparat - Batys Qazaqstan oblystyq máslıhatynyń depýtaty, «ıÝNISERV» JShS bas dırektory Nurǵazy Sátbaev Qaztalov aýdany Qarasý aýyldyq okrýgine qarasty Juldyz aýylynda turatyn kóp balaly Ǵubashevtar otbasyna jalpy aýdany 70 sharshy metr 3 bólmeli úıdi satyp alyp berdi, dep habarlaıdy «QazAqparat» tilshisi.

Aýdandyq «Aýyl aınasy» gazetiniń tilshisi Qaırat Jaqyptyń málim etkenindeı, jeti bala (4 ul, 3 qyz) tárbıelep otyrǵan Dastan men «Altyn alqa» ıegeri Gúldáýren Ǵubashevtar 2000 jyldan beri eki bólmeli, shaǵyn úıde turyp kelgen. Aýyldaǵy mektepte ǵımarat kútýshisi bolyp eńbek etetin Dastannyń úı satyp alýǵa qarajaty bolmaǵan. Osyǵan baılanysty onyń Oral qalasynda turatyn ákesi Qaıyrǵalı Ǵubashev «Nur Otan» partııasy oblystyq fılıalynyń qabyldaý bólmesinde oblystyq máslıhat depýtaty Nurǵazy Sátbaevqa jolyǵyp, kómek suraǵan. Halyq qalaýlysy Ǵubashevtar turyp jatqan úıdiń janynan qosymsha 3 bólmeli baspanany satyp alý úshin 600 myń teńge berip, jomarttyq tanytqan.

Ǵubashevtardyń qonystoıyna «ıÝNISERV» JShS qoǵammen baılanys jónindegi menedjeri Álııa Masalımova ortaqtasyp, izgi tilegin jetkizdi.

«Qarapaıym aýyl turǵyndarynyń shańyraǵynda bolyp, erekshe sezimge bólendim. Ǵubashevtar otbasy úı alýǵa járdemdesken «Nur Otan» partııasy oblystyq fılıalynyń qyzmetkerleri men halyq qalaýlysyna alǵystaryn aıtyp jatyr. Bul, ásirese, Halyqaralyq balalardy qorǵaý kúnine oraı sol úıdiń balalary úshin jasalǵan aıryqsha tartý boldy. Endi olardyń mektepte alańsyz oqýlaryna jaǵdaı bar. Jalpy, Nurǵazy Sátbaev basshylyq jasaıtyn «ıÝNISERV» kompanııasy qaıyrymdylyq sharalaryna udaıy qatysyp keledi. Mysaly, Jeńis kúnine oraı ótken jyly oblystaǵy 189, bıyl 146 maıdangerdiń árqaısysyna 20 myń teńgeden tartý jasady», dedi «QazAqparat» tilshisine Álııa Masalımova.