Depýtat QHR-men shekarada qandaı qıyndyqtar bolǵanyn aıtty

NUR-SULTAN. QazAqparat – Senator Nurlan Qylyshbaev elimizdiń Premer-Mınıstri Asqar Mamınniń atyna joldaǵan depýtattyq saýalynda kásipkerlerdiń Qytaımen shekara arqyly taýar tasymaldaý kezinde kezdesetin máselelerin kóterdi, dep habarlaıdy QazAqparat tilshisi.

Jaqynda senatorlar Almaty oblysynda kóshpeli otyrys ótkizip, «Altynkól» jáne «Nur Joly» keden beketterine baryp, memlekettik organdarmen jáne kásipkerlermen kezdesý ótkizdi. Sol kezdesýde kóterilgen máselelerdiń biri – Qytaımen shekarany kesip ótý qıyndyqtary. Ótkizý pýnktterinde júk avtomashınalary men poıyzdar jınalyp qaldy. Shekarada júkterdiń turyp qalýyna baılanysty otandyq kásipkerler bıznes-qoǵamdastyq tarapynan úlken shyǵyndarǵa ushyrady.

Senator sondaı-aq kásipkerlermen kezdesý barysynda zańnamalyq qamtamasyz etýdi talap etetin kóptegen máseleler kóterilgenin atap ótti. Osyǵan baılanysty depýtat ótkizý beketterindegi jaǵdaıdy jaqsartý boıynsha birqatar naqty usynystar aıtty.

«QTJ» UK» aktsıonerlik qoǵamynyń tsıfrlyq transformatsııasynyń keshendi strategııasyn jasaý, qaǵaz qujat aınalymyn alyp tastaý, lokomotıvtik tartqysh, sondaı-aq temir jol jelisi máselelerin sheshý, biryńǵaı aqparattyq derekqor qurý arqyly kóliktik baqylaý ýchaskesin tsıfrlandyrý, qytaı tarapymen júrgiziletin kelissózder aıasynda memlekettik organdar «Nur joly» ótkizý pýnktinde turyp qalǵan bos tirkemelerdi qabyldaýdy qamtamasyz etý, temirjol, avtomobıl kóligimen ótkiziletin qazaqstandyq eksporttyq taýarlardy qabyldaý máselelerin pysyqtaý qajet», - dedi depýtat Senattyń jalpy otyrysynda.