Depýtat KazSat spýtnıkterinen Airbus jerserigine kóshýdi usyndy

ASTANA. KAZINFORM — Májilis depýtaty Tilektes Adambekov vıtse-premer Roman Sklıardyń atyna KazSat-2 jáne KazSat-3 spýtnıkteriniń ahýaly týraly depýtattyq saýal joldady.

— KazSat-2 jáne KazSat-3 spýtnıkteriniń qyzmet etý merziminiń jaqyndap kele jatqanyn eskersek, Qazaqstannyń aldynda ǵarysh ınfraqurylymyn jańǵyrtý, atap aıtqanda, spýtnıkterdi aýystyrý mindeti tur. Tsıfrlyq damý, ınnovatsııalar jáne aeroǵarysh ónerkásibi mınıstrligi jańa spýtnıktik ınternetti taratý múmkindigin boldyrmaı, tek teleradıo habarlaryn jáne uıaly baılanystardy taratý fýnktsııalarymen ǵana jabdyqtaýdy josparlap otyrǵany belgili boldy. Mınıstrlik tásildiń ózgerýin jobanyń tómen qunymen negizdeıdi, — degen depýtat keıbir sheteldik spýtnıkter teledıdar, ınternet jáne uıaly baılanys sıgnaldaryn qatar taratýǵa qabiletti ekenin aıtady.

Onyń sózinshe, eskirgen tehnologııalardy tańdaý uzaq merzimdi shyǵyndardyń ósýine ákelýi múmkin.

— Mysaly, ótkizý qabileti joǵary jáne ıkemdi spýtnıkterdi usynatyn Airbus jáne Thales Alenia Space sııaqty kompanııalardyń usynystary eskerýge turarlyq. Onyń ústine qazirgi «KazSat-2» jáne «KazSat-3» spýtnıkteri ıtalıandyq Thales Alenia Space kompanııasymen birlesip qurastylǵan. Osylaısha, eýropalyq spýtnıkter quny men ónimdiligi arasyndaǵy ońtaıly teńgerimdi usyna alady. Eskirgen tehnologııalardy tańdaý uzaq merzimdi shyǵyndardyń ósýine ákelýi múmkin. Osyǵan baılanysty tehnıkalyq jáne kommertsııalyq usynystardy baǵalaý protsesine ınternetti taratý fýnktsııasynyń engizý usynylady, — dedi ol.

Buǵan deıin Kazsat pen Oneweb spýtnıkteri Starlink-ti almastyrýy múmkin degen málimet taraǵan edi.