Depýtat «Qazaqstandyqtar úshin qoljetimdi ári sapaly tamaq» ulttyq baǵdarlamasyn ázirleýdi usyndy
Onyń sózine qaraǵanda, koronavırýs indeti men ekonomıkalyq daǵdarystyń shyǵyny halyqtyń moınyna túsýde. Osyǵan baılanysty halyqtyń naqty kiristeriniń toqyraýy men quldyraýy kezinde azyq-túlik taýarlary baǵasynyń jedel ári negizsiz ósýi máselesi bar. Osy jyldyń qańtar-tamyz aılarynda ótken jyldyń sáıkes kezeńimen salystyrǵanda azyq-túlik taýarlary 10,4 paıyzǵa qymbattady. Eń joǵary ósý qarqyn halyq ratsıonynyń negizgi bóligin quraıtyn jáne basym bóligi Qazaqstanda óndiriletin ónimdede baıqalyp otyr.
«Halyqtyń naqty kiristeriniń tómendeýi jaǵdaıynda bul tamaqtyń sapasy men qaýipsizdiginen qarjy únemdeýge májbúr etedi. Ekinshi toqsanda halyq shyǵystary qurylymyndaǵy azyq-túlik shyǵyndarynyń úlesi rekordtyq kórsetkishke jetti – 56,4%. Qazaqstandyqtar kóp tamaqtanatyn bolǵan joq, bar másele azyq-túliktiń qymbattaýynda jatyr. Sonymen qatar bıyl úlken qaýiptiń astynda qalǵan ulttyń densaýlyǵy tamaqtaný sapasyna, ásirese jas urpaqqa tikeleı baılanysty. Bul kúzgi-qysqy kezeńde jáne koronavırýstyń jańa tolqynyn kútý kezinde óte mańyzdy», - dedi depýtat.
Onyń paıymynsha, aýyl sharýashylyǵy resýrstarynyń áleýeti zor elde azyq-túlik shyǵyndary aýyr júktemege aınalmaýy kerek.
«Salada naqty ataýly sharalar qajet. Osyǵan baılanysty «Halyq kommýnısteri» fraktsııasy AÓK-ti damytý jónindegi joba aıasynda «Barlyq qazaqstandyqtar úshin qoljetimdi jáne sapaly tamaq» ulttyq baǵdarlamasyn ázirleý qajet dep sanaıdy. Atap aıtqanda, onda qazaqstandyq ónimderdi satyp alý úshin arnaıy kýpondardy nemese tólem kartalaryn shyǵarý arqyly azamattarǵa kómek kórsetýdi kózdeý kerek. Bul bir mezgilde halyqtyń tamaqtanýyn jaqsartýǵa jáne otandyq óndirýshilerdi qoldaýǵa múmkindik beredi», - dedi A. Qońyrov.
Osy oraıda ol atalǵan ulttyq baǵdarlamany qabyldaý – kún tártibinde turǵan máseleni sheshýdiń naqty joly.