Qazaqstanda sheteldik bankterdi ashý talaptary jeńildetiledi
ASTANA. KAZINFORM – Qarjy naryǵyn retteý jáne damytý agenttigi «Qazaqstan Respýblıkasynyń keıbir normatıvtik quqyqtyq aktilerine memlekettik qyzmetter kórsetý salasyndaǵy qarjy uıymdarynyń qyzmetin retteý máseleleri boıynsha ózgerister men tolyqtyrýlar engizý jáne keıbir normatıvtik quqyqtyq aktilerdiń kúshi joıyldy dep taný týraly» Basqarma qaýlysynyń jobasyn ázirledi.
Qaýly jobasy «Qazaqstan Respýblıkasynyń keıbir zańnamalyq aktilerine qarjy naryǵyn damytý, qarjylyq kórsetiletin qyzmetterdi tutynýshylardyń quqyqtaryn qorǵaý, baılanys jáne artyq zańnamalyq reglamentteýdi bolǵyzbaý máseleleri boıynsha ózgerister men tolyqtyrýlar engizý týraly» zańdy iske asyrý maqsatynda ázirlenip, sheteldik bankter men olardyń fılıaldaryn ashý tártibine qoıylatyn qoldanystaǵy talaptardy jeńildetýdi kózdeıdi.
Atap aıtqanda, ýákiletti organǵa usynylýy tıis qujattar tizbesin ońtaılandyrý jáne Qazaqstan Respýblıkasynyń «Memlekettik qyzmetter týraly» jáne «Aqparattandyrý týraly» zańdarynyń talaptaryna sáıkestikke keltirý kózdelgen.
Qaýly jobasynyń tolyq mátinimen «Ashyq NQA» ınternet-portalynda tanysýǵa bolady.
Aıta ketelik Qazaqstanda onlaın saýda eki ese ósti.