Depýtat Qazaqstandaǵy ushaq reısteriniń jıi keshigýin synǵa aldy
Depýtat eldegi shekteý sharalary alynǵanyn, halyqtyń qalypty ómirge oralyp, júk jáne jolaýshylar tasymaly qaıta jandanyp, ushaqtardyń ushý júıesi iske qosylǵanyn atap ótti.
«Pandemııanyń ýaqytynda ushý jıiligi keminde 1,5 esege azaıǵanyn eskersek, qazir elimizdegi eń iri avıakompanııalarǵa (Air Astana, SCAT, Qazaq Air) tıesili reısterdiń jıiligi qaıta qalpyna keltirildi. Degenmen, elimizdegi reısterdiń keshigýi men keshigý barysyndaǵy kórsetiletin qyzmet sapasyna baılanysty halyq arasynda narazylyq bar ekenin moıyndaýymyz qajet. Mysaly, 2020 jyldyń qorytyndysy boıynsha 51 myńǵa jýyq reıstiń 6735 reısi keshiktirilgen, ıaǵnı shamamen árbir 8-shi reıs keshigip ushqan. Al 2021 jyly ushqan 68,7 myń reıstiń 12,8 myńy keshiktirilip, árbir júıeli reıstiń besinshisi ýaqytynda ushpaǵandyǵy anyqtalyp otyr. ıAkı, ushý reısteri aıtarlyqtaı kóbeımese de, borttardyń keshigý sebepteri shamamen eki esege kóbeıgen», - dedi E. Beısenbaev Májilistiń jalpy otyrysynda.
Mundaı jaǵdaıda áýe kompanııalardyń jaýaby «aýa raıynyń qolaısyzdyǵyna» kelip tireledi. Biraq, 2021 jyldyń qorytyndysy boıynsha 12,8 myń keshikken reıstiń 9045-i borttyń keshigip kelýine baılanysty oryn alǵan. Onyń ishinde «SCAT», «Qazaq Air» áýekompanııalarynyń árbir tórtinshi reısi keshiktirilip otyr. Al, eń qyzyǵy aýa aıynyń qolaısyzdyǵyna baılanysty degen tarmaqpen nebári 912 reıs keshikken.
«Ózderińiz biletindeı, ishki reısterdiń jıiligin kóbeıtý men halyqtyń ushaqpen paıdalaný deńgeıin arttyrý úshin Úkimet 2022 jyly 24 baǵyttaǵy reısterdi sýbsıdııalaýǵa 5,9 mlrd teńge bóldi. Al, onyń ishinde 16 baǵyt boıynsha 5 mlrd teńge «SCAT», «Qazaq Air» kompanııalaryna bólinetinin eskersek, olardyń qandaı sapaly qyzmetine osynsha qarjy bólinýi tıis? Reıstiń keshigýi boıynsha sms-habarlamany arnaıy qyzmet retinde aqyly paıdalanamyz. Al «Áýe keńistigin paıdalaný jáne avıatsııa qyzmeti týraly» Zań baptaryna sáıkes, áýe kompanııasy kinásinen reısterdi keshiktirý nemese olardyń bolmaýy kezinde usynýǵa mindetti ystyq tamaq, qonaq úıge ornalastyrý, kólik transferti qyzmetterin ishki reısterde sapaly uıymdastyrǵanyn estimedik. Tek, BAQ-tyń aralasýy arqyly qoǵamdyq rezonans týdyrǵanda ǵana tutynýshylar qol jetkizip jatady. Osy rette, tıesili mınıstrlik tarapynan keshigýdi qalypty jaǵdaı retinde qabyldamaı, kerisinshe qyzmet sapasyn kóterýge baǵyttalǵan jumystardy retteý qajet ekenin eskertemiz», - dedi Májilis depýtaty.
Sondaı-aq, áýekompanııalardyń onlaın tirkeý qyzmetin kórsetýdegi arnaýly aqyly oryndardyń baǵasy boıynsha shaǵymdar jıilep keledi.
«Birinshiden, loýkosterdegi tegin oryndardyń ózi avtomatty túrde tańdalady. Ekinshiden, Air Astana kompanııasynyń ekonom sanattaǵy aqyly oryndary 15 myń, al loýkester sanalatyn Fly Arystan kompanııasynda 6,5 myń teńgege deıin jetedi. Yńǵaılylyq úshin bılet qunynyń jartysyn tóleý qanshalyqty ádiletti? Bul ishki reısterdegi yńǵaıly orynnyń quny, al ózge elden ushatyn ýaqytta arnaýly orynnyń baǵasy eki esege artady. Mysaly, Túrkııadan Air Astana kompanııasynyń aqyly oryn qyzmeti 25 myń teńgege jetedi. Qurmetti, Roman Vasılevıch! Qoryta aıtqanda, jyl ótken saıyn qazaq áýeındýstrııasynyń ahýalylyn eýropalyq standarttarǵa saı retteýimiz qajet. Aldaǵy jazǵy demalys kúnderinde, eldiń sapar baılanysyn ýaqyttynda sapaly qamtamasyz etý úshin reısterdiń keshigý jıiligin retteýdi qolǵa alýyńyzdy suraımyz», - dedi E. Beısenbaev.
