Depýtat Irına Smırnova Air Astana kompanııasyn sotqa bermek
ALMATY. KAZINFORM – Májilis depýtaty Irına Smırnova Air Astana áýe kompanııasyn sotqa beretinin málim etti.
Bul týraly ol Facebook-tegi paraqshasynda jazdy.
Irına Smırnovanyń aıtýynsha, 23 maýsym túngi saǵat 23:35-te Air Astana áýe kompanııasynyń ushaǵymen Almatydan Astanaǵa ushýy kerek bolǵan. Alaıda, ol reıs 16:30-da ushyp ketken.
«Jeti saǵat erte ushyp ketken. Men bılet satyp alǵan jerden de, áýe kompanııadan da eshqandaı habarlandyrý alǵan joqpyn. Tipti ushyp kete de almas edim. Óıtkeni osy ýaqytta mende buryn josparlanǵan is-shara boldy.Tańerteńgi reısterge múldem bılet joq. Ekonom sanatyna da, bıznes klasqa da bolmady. Olar barlyq shaǵymdy bıletterdi alǵan kompanııaǵa jiberýdi usyndy. Buǵan áýe kompanııasynyń ózi emes, basqa bireý kináli. Dúısenbide men shaǵym túsirip, sotqa baramyn», - dep jazdy ol.
«Air Astana» áýe kompanııasynyń baspasóz qyzmeti atalǵan jaǵdaıǵa qatysty túsinik berdi.
«23 maýsym kúni ushatyn Almaty – Astana baǵyty boıynsha KS 955 reısi óndiristik jaǵdaıǵa baılanysty saǵat 23:35-ten 16:30-ǵa ózgertildi. 21 maýsym saǵat 09:48-de, ıaǵnı ushýǵa eki kún qalǵanda brondaýda kórsetilgen kontaktige ushý ýaqytynyń ózgergeni týraly SMS habarlama jiberildi. Júıede tıisti aqparat bar», - dep habarlady áýe kompanııadan.
