Depýtat Gaza sektoryndaǵy qazaqstandyqtarǵa qalaı kómektesýge bolatynyn aıtty
Senator Nýrııa Nııazova Premer-Mınıstr Álıhan Smaıylovtyń atyna joldaǵan depýtattyq saýalynda janjal aımaqtarynda júrgen qazaqstandyqtarǵa kómektesýge qatysty usynys aıtty, dep habarlaıdy Kazinform.
Depýtat Palestına men Izraıldegi áskerı-saıası jaǵdaıdyń kúrt ýshyǵýyna baılanysty jaıtty mysalǵa keltirdi. Senator QR Syrtqy ister mınıstrligi Qazaqstan azamattarynyń qaýipsiz aımaqtarǵa shyǵarýdy uıymdastyrý jóninde sharalar qabyldap jatqanyn atap ótti.
«Bizdiń azamattardyń kópshiliginde baılanys bar, biraq elshiligimizdiń ókilderine qońyraý shalǵan kezde, olar baılanysqa qomaqty soma tólep jatyr. Óıtkeni olar roýmıng arqyly sóılesep jatyr. Olardyń kópshiliginde mundaı somany tóleýge múmkindigi joq. Sonymen qatar, sol aımaqta roýmıngi bar operatorlarmen bári birdeı baılanysa almaıdy. Sondyqtan osy másele boıynsha tıisti is-sharalar ázirlenýi kerek. Oǵan ózara naqty algorıtmi bar túrli mınıstrlikter jumyldyrylǵany jón», - dedi Nýrııa Nııazova.
Depýtat atalǵan problema boıynsha bizdiń azamattarymyzdy roýmıngte qoldaý múmkindigin uıymdastyrýdy usyndy. Bul máseleni telefon jáne basqa da baılanystardy qamtamasyz etetin kompanııalarmen pysyqtaý kerek.
«Sonymen qatar, Densaýlyq saqtaý mınıstrligi Telemedıtsına ortalyǵy arqyly qıyn jaǵdaıǵa tap bolǵan azamattarymyzǵa medıtsınalyq-konsýltatsııalyq kómek kórsetý múmkindigin ázirleýi qajet. Tótenshe jaǵdaılar mınıstrligi basqa memlekettik organdarmen birlese otyryp, tıisti habar berý qadamdaryn messendjerler men SMS jiberý arqyly iske asyrýy kerek. Sondaı-aq Tsıfrlyq damý mınıstrligi men Ádilet mınıstrlikteri shekara qyzmetimen tyǵyz baılanysta jumys isteýi tıis. ıAǵnı azamattar memlekettik shekarany kesip ótý kezinde qaıda qońyraý shalyp, qaıda aqparat jiberý tıis ekeni jóninde, qalaı áreket etý jáne evakýatsııalaýǵa qalaı daıyndalýy kerektigi týraly nusqaýlyq pen jadynama jiberý múmkindigin ázirlesin», - dedi depýtat senator.
Budan buryn habarlanǵandaı, QR Syrtqy ister mınıstriniń birinshi orynbasary Qaırat Omarov Gaza sektoryndaǵy Qazaqstan azamattarynyń naqty sanyn aıtý múmkin bolmaı turǵanyn aıtty.