Depýtat gaz tartý kezinde turǵyndardyń shyǵynyn azaıtýǵa qatysty usynys aıtty
«Bizdi elordanyń turǵyn úı aımaqtarynyń, sondaı-aq Soltústik jáne Ortalyq Qazaqstannyń birqatar qalalary men eldi mekenderiniń gaz taratý júıeleri men qurylysy jobalarynyń sapasy alańdatady. Bul qazir «Saryarqa» magıstraldyq gaz qubyry boıynsha elimizdiń batys óńirlerinen tabıǵı gaz tartý aıasynda erekshe ózekti bolyp otyr. Jeke tulǵalarǵa beriletin tehnıkalyq sharttar, sondaı-aq olardyń gazben jabdyqtaý júıesine qosylýǵa arnalǵan shyǵystary gaz taratý júıeleri qalaı jobalanatyndyǵyna baılanysty bolady. Árıne, biz turǵyndardyń shyǵyny meılinshe az bolǵanyn qalaımyz. Sondyqtan taratý jelileri jobasynyń bir bóligi retinde «aqyldy eseptegishterdi» ornatýdy usyndyq. Al biz úshin eń mańyzdysy – azamattarymyzdyń qaýipsizdigi. Osyǵan oraı biz qurylys normalary men erejeleriniń jetilmegendigine baılanysty qaıta júginip otyrmyz», - dedi A. Mılıýtın Májilistiń jalpy otyrysynda.
Onyń paıymynsha, tıisti shemalar elimizdiń ońtústik óńirlerinde senimdi jumys isteı alady, biraq olar soltústik aımaqtar úshin qolaıly emes.
«Óıtkeni qysym rettegishteri men esepteý quraldary -25 gradýstan tómen temperatýraǵa arnalmaǵan. Reseıdiń jáne elimizdiń jekelegen sýyq aımaqtarynyń tájirıbesi soltústik aımaqtar úshin qysym rettegishteri men esepteý quraldaryn jyly jaǵdaıda ornalastyrýdy qamtamasyz etetin gazben jabdyqtaý shemalarynyń basymdylyǵyn kórsetedi. Alaıda ótinishten kórinip turǵandaı, jobalaý uıymdary joǵaryda atalǵan sebepterge baılanysty bul oń tájirıbeni qoldana almaıdy. Bul gaz plıtalaryna janarmaı berýdiń múmkin bolatyn úzilisterimen baılanysty yńǵaısyzdyqty aıtpaǵanda, keıbir jaǵdaılarda jeke úılerde turatyn gaz qazandyqtary bar azamattardyń qysta jylytýsyz qalýyna ákep soqtyrýy múmkin. Sondyqtan fraktsııanyń depýtattary biz kótergen máselelerdi qarastyryp, olar boıynsha sheshim qabyldap, jaýabyn zańnamada belgilengen merzimde usynýdy suraıdy», - dedi depýtat.
