Depýtat ǵalymdardyń problemasyn Senatta kóterýge ýáde berdi

NUR-SULTAN. QazAqparat - Elimizdiń bolashaǵy úshin aldaǵy referendýmnyń mańyzy zor. Bul týraly senator Lázzat Súleımen Ahmet Baıtursynov atyndaǵy Til bilimi ınstıtýtynyń ǵalymdarymen kezdesýde aıtty, dep habarlaıdy QazAqparat.

Senat baspasóziniń málimetinshe, depýtat ınstıtýt aktıvimen birge Konstıtýtsııaǵa engiziletin túzetýler boıynsha aldaǵy referendýmdy talqylady.

«Elimizdiń bolashaǵy úshin aldaǵy referendýmnyń mańyzy zor. Azamattar osylaısha konstıtýtsııalyq reformany júzege asyrýǵa tikeleı qatysyp, bolashaqtaǵy jańa Qazaqstan úshin daýys bere alady. Usynylyp otyrǵan túzetýler boıynsha óz pikirin bildirý úshin qazaqstandyqtardyń basym bóligi saılaý ýchaskelerine keledi dep senemin» , - dedi senator.

Kezdesýge qatysýshylar Qazaqstanda rýhanı mádenıetti damytý jóninde usynystar aıtty.

Lázzat Súleımen ǵalymdar kótergen problemalyq máseleler jan-jaqty zerttelip, keıinnen Senat komıtetiniń jumys otyrystarynyń qaraýyna shyǵarylatynyn atap ótti.