Depýtat eńbek ujymdary arasynda narazylyqtyń kóbeıgenine alańdaýly

NUR-SULTAN. QazAqparat – Sońǵy aptalarda eldegi eńbek ujymdary arasynda mıtıngiler men ereýilder sany artyp keledi. Bul týraly Májilistiń jalpy otyrysynda depýtat Ekaterına Smyshlıaeva aıtty, dep habarlaıdy QazAqparat tilshisi.

«Bul mıtıngiler kelissózder kezeńinen tys ketip jatyr. Bul óz kezeginde alańdatady. Eńbek qatynastary salasynda jumysshylardyń, jumys berýshilerdiń jáne memlekettiń tıimdi ózara is-qımylyn áleýmettik seriktestik júıesi qamtamasyz etýi tıis edi. Biraq qazirgi túrinde ol nátıje bermeı otyr», - dedi E. Smyshlıaeva Úkimet basshysynyń orynbasary Eraly Toǵajanovtyń atyna joldaǵan saýalynda.

Onyń aıtýynsha, eki jyl qatarynan elimizdegi úsh jaqty kelisimdi óńirler deńgeıinde eki tarap bekitip keledi, ıaǵnı kásipodaq pen memleket. Buǵan deıin jumys berýshiler atynan «Atameken» palatasy shyǵatyn. Alaıda, keıinnen palata bul ókilettikten bas tartqan.

«Dál osy palata shyn máninde jumys berýshilerdiń monopolııalyq uıymy bolyp sanalady, kezinde barlyq salalalyq qaýymdastyqtardy ózine qamtyǵan edi», - dedi depýtat.

Onyń sózine qaraǵanda, óńirler ákimderi jumys berýshilerden ujymdyq sharttardy talap etip otyr. Osy oraıda ońtaıly jetistikter jasaǵan. Qazirgi kezde 150 myńnan astam kelisim bekitildi.

«Alaıda qujattyń sapaly jasalýyna múmkin bolmaı tur. Sharttardyń basym bóligine kásipodaq emes, «jumysshylardyń ókili» qol qoıyp keledi. Sharttar tyńǵylyqty saraptamasyz ınspektorlar tarapynan tirkelip, eńbek kodeksiniń normalaryn qaıtalap otyr. Sondyqtan ujymdyq sharttar negizgi qadamdardy qamtymaıdy, ıaǵnı eńbekti tóleý máseleleri eskerilmegen», - dedi depýtat.

Onyń paıymynsha, jumys berýshiler únemi áleýmettik seriktestik júıesine qatyspaý múmkindikterin qarastyrady. Atap aıtqanda, bul negizinen jeke ınvestorlǵa qatysty.

Bul turǵyda áleýmettik seriktestik rólin kúsheıtý maqsatynda myna usynystar jasaldy:

- Bas kelisimge qol qoıatyn úshinshi tarapty aıqyndaý.

- Ujymdyq sharttar mazmunyna saraptamany kúsheıtý.

- Barlyq deńgeıdegi úshjaqty komıssııalar quramyn qaıta qaraý. Olardyń jumysynyń jarııalyǵyn qamtamasyz etý úshin otyrystardyń onlaın-translıatsııasy tájirıbesin engizý.

-Investıtsııalyq sharttardy qurǵan kezde ınvestorlardyń áleýmettik seriktestik júıesine qatysýy mindetin engizý.