Depýtat elimizdegi lotereıa termınaldaryn tekserýdi surady
Lotereıa termınaldarynyń kóbeıip ketýi óskeleń urpaqty oıynqumarlyqqa eliktirýmen qatar, túrli qylmystyń kózine de aınalyp otyr. Bul týraly Májilistiń jalpy otyrysynda depýtat Elnur Beısenbaev aıtty, dep habarlaıdy Kazinform.
«Qazirgi elimizde lýdomanııa, ıaǵnı oıynqumarlyqtyń órship bara jatqany jasyryn emes. Ol – qoǵamnyń úlken dertine aınaldy. Degenmen, azamattarymyzdyń oıynqumarlyqqa salynýyna lotereıa oıyndarynyń da tejeýsiz kóp taralýy alǵyshart qalyptastyryp otyr. Máselen, elimizde «LOTOMatic», «LOTOclub» sııaqty ataýlarmen jumys isteıtin «Sátti juldyz» kompanııasynan lıtsenzııa alǵan eki kompanııa bar. Ashyq aqparat kózderinen belgili bolǵandaı, eki kompanııanyń da quryltaıshylary bir. Bireýi aqyly arnaıy lotoreıa satatyn lotoklýbtardyń jumysyn úılestirse, endi biri elimizge jasyl-sary tústi apparattardy engizýmen aınalysady. Lotoklýbtyń máselesin zańmen qatań shekteıtinimiz anyq. Óıtkeni bul da kazınonyń, qumar oıynnyń bir túri. Al, jasyl-sary tústi termınaldardyń elimizdegi resmı sany 5 myńnan asyp jyǵylady. ıAǵnı ár oblys ortalyǵynda kemi 300 termınal bar, bul tek qana resmı tirkelgenderi. Beıresmı, zańsyz jumys jasap jatqan «tajaloıyn» jasyl-sary jáshikterdiń esebin eshkim bilmeıdi», - dedi E. Beısenbaev Premer-Mınıstrdiń orynbasary – Qarjy mınıstri Erulan Jamaýbaevtyń atyna joldaǵan saýalynda.
Onyń aıtýynsha, Astananyń ózinde mektepten 15-20 metr jerde ornalasqan dúkenderdiń, jertólelerdiń kire berisinde osy oıyn avtomattary tolyp tur.
Bul eshqandaı da lotoreıa satatyn avtomat emes, ol – naqty kazıno avtomattary sııaqty qolma-qol aqshamen tólenetin jáne utysty birmezette alatyn oıyn avtomattary.
«Oǵan qosa, atalǵan oıyn avtomattaryn kimniń oınap jatqanyn qadaǵalaıtyn ne bir adam, ne bir memlekettik organ joq. Bul avtomattardy torýyldaǵandardyń kóbi jas jetkinshek balalar, oqýshylar ekeni anyq. Memlekettik organdardyń salǵyrttyǵynan ońaı aqsha tabamyz dep, óz taǵdyryn qıratqan jas balalarymyz otbasylaryn da san soqtyryp jatyr emes pe?! Lotereıa termınaldarynyń kóbeıip ketýi óskeleń urpaqty oıynqumarlyqqa eliktirýmen qatar, túrli qylmystardyń kózine de aınalyp otyr. Urlyq jasaý, kóleńkeli bıznes jáne taǵy basqalarynyń da túpki sebebi osynda jatyr. Baqylaýsyz ornatylǵandyqtan, olardan bıýdjetke salyq ta tólenbeıdi. Eń qyzyǵy, osy oıyn avtomattary men olarǵa qajet jabdyqtar elimizde óndirilmeıdi, tolyqtaı shet elderden tasymaldanady. Buǵan quqyǵy bar zańdy operatorlardan bólek, túrli joldarmen astyrtyn tasymaldaýshylar da jetip artylady. Olar keden arqyly kontrabandalyq jolmen zańsyz ótkiziledi. Tunyp turǵan qylmystyq toptyń is áreketine jatady», - dedi depýtat.
Bul turǵyda ol joǵaryda aıtylǵandardy eskere otyryp, elimizdegi búkil lotereıa termınaldaryn tekserýdi, sondaı-aq jeke jáne zańdy tulǵalardyń shet elderden Qazaqstan aýmaǵyna lotereıa termınaldary men ózge de lotereıa jabdyqtaryn ımporttaýyna tolyqtaı tyıym salýdy usyndy.
ıAǵnı olardy kedennen ótkizbeýdi qolǵa alý qajet.
