Depýtat elimizdiń jańa spýtnıkterin qurý jobasyn jandandyrýdy surady
Onyń aıtýynsha, tehnıkalyq parametrlerge sáıkes KazEOSat-1 jáne KazEOSat-2 spýtnıkteriniń jumysy 2021 jyly aıaqtalýy tıis. Olardy aýystyrý múmkindigi bolmaǵasyn, paıdalaný merzimi 2023 jyldyń aıaǵyna deıin uzartyldy. Osy ýaqyt ishinde apparattardy aýystyrý kerek. Sonymen birge, 2020 jyldan bastap qoldanystaǵy «KazEOSat-2» spýtnıgin aýystyrýǵa arnalǵan KazEOSat-MR jer serikteri toptamasyn qurý jobasy Ulttyq ekonomıka mınıstrliginiń saraptamasynan ótý satysynda toqtap qaldy.
«Qujattar 4 ret resmı túrde qaraýǵa jiberildi. Degenmen, tehnıkalyq-ekonomıkalyq qujat túrli sebeptermen qaıta qaraýǵa qaıtaryldy. Bul rette jobanyń quny josparǵa sáıkes kelmeıtini nemese jobanyń ózin aqtaý kórsetkishterine qatysty kúmándi oılar aıtyldy», - dedi E. Smyshlıaeva depýtattyq saýaldy joldaı otyryp.
Onyń paıymynsha, mundaı qadamdar jerdi qashyqtan zondtaý jáne ekonomıka salalaryn tsıfrlandyrýdyń barsha júıesine qater tóndirip tur.
Osy oraıda E. Smyshlıaeva Úkimetten atalǵan másele boıynsha vedomstvoaralyq mindetterdi tez arada sheshýge shaqyrdy.
«Jaqyn arada bizdiń qazaqstandyq spýtnık júıesi tıisti mindetterdi atqara almaýy múmkin jáne jer qoınaýyn qolma-qol basqarýǵa qaıta oralý qaýpi bar. Dál osyndaı qadamdar kezinde jerdi zańsyz basyp alýǵa yqpal etken kúshter bolǵan edi. Osy oraıda halyq paıdasyna jumys istemeıtin latıfýndısterdiń neshe túrli tásilderi aıqyn kóringen bolatyn. Sonymen qatar, tıisti sheshim jasalmasa, onda bizdiń jerimizdi sheteldik spýtnıktik toptardyń zondtaýyna berýge májbúr bolýymyz múmkin», - dedi depýtat.
Foto: www.parlam.kz
