Depýtat Egor Kappel elorda aýasyna alańdaýshylyq bildirdi
ASTANA. Qarashanyń 11-i. QazAqparat /Aıdyn Báımen/ - Búgin Parlament Májilisiniń jalpy otyrysynda depýtat Egor Kappel QR Qorshaǵan ortany qorǵaý mınıstri Nurǵalı Áshimovke joldaǵan saýalynda elordanyń ekologııalyq jaǵdaıy týraly másele kóterdi,
dep habarlaıdy QazAqparat.
Depýtattyń aıtýynsha, sońǵy kezde ońtústik-batystan tynbaı soǵyp turǵan jeldiń áserinen Astananyń aýasy nasharlap ketken. Bul qala turǵyndary men qonaqtarynyń densaýlyǵyna áser etetini anyq. Ásirese, qarttar men balalardyń, sondaı-aq sozylmaly dertke ushyraǵan jandardyń densaýlyq jaǵdaıy kúrt tómendep ketýine alyp keledi.
«Elordanyń erekshe mártebesi men keleshektegi damýyn eskere otyryp, Qorshaǵan ortany qorǵaý mınıstrligi Astana qalasyndaǵy zııandy qaldyqtarymen aýany lastaıtyn oryndardyń sanyn qysqartý maqsatynda qandaı is-sharalar atqarýdy josparlap otyr. Osy suraqqa jaýap berýińizdi ótinemin», dedi depýtat Egor Kappel.
