Depýtat Dúısebaev jaıylymdyq jerlerdiń degradatsııaǵa ushyraý sebepterin atady
ASTANA. QazAqparat - Qazaqstanda 27 mln. gektar jaıylymdyq jer degradatsııaǵa ushyraǵan.
Bul týraly búgin Májilistiń jalpy otyrysynda «Jaıylymdar týraly» Qazaqstan Respýblıkasy Zańynyń jobasyn tanystyrǵan depýtat Jeksenbaı Dúısebaev málim etti, dep habarlaıdy QazAqparat.
Depýat óz sózinde halqymyzdyń 45 paıyzdan astamyn qurap otyrǵan aýyl turǵyndaryn kópten beri 187 mln. gektar jaıylymdyq alqabymyzdyń osy kúnge deıin oryndy paıdalanylmaı, máseleniń túbegeıli sheshilmeı kelgendigi alańdatyp otyrǵanyn basa aıtty.
«Osyǵan baılanysty sizderdiń nazarlaryńyzǵa áriptesterimiz daıyndaǵan «Jaıylymdar týraly» Zań jobasyn usynyp otyrmyz. Qazirgi ýaqytta aýyl sharýashylyǵyna tıesili jer resýrstarynyń 70 paıyzy mal baǵatyn jerdiń úlesinde. ıAǵnı, 1 maldyń shartty basyna shaqqanda 20 gektar jer kólemi bar degen sóz. Bul degenińiz bolashaqta ındýstrıalyq-ınnovatsııalyq damyǵan, aldyńǵy qatarly agrarlyq memleket bolýǵa bizdiń tolyq múmkindigimiz bar ekendigine kóz jetkizýge bolady», - dedi ol.
Sonymen qatar ol is júzinde keń baıtaq jerimizdiń 43 paıyzy nemese 80 mln. gektary ǵana qoldanystaǵy jaıylymdarǵa tıesili bolyp otyrǵandyǵyn ıaǵnı, mal basyna shaqqanda orta eseppen 2-3 gektardan aspaıtyndyǵyn basa aıtty.
«Keıbir aımaqtarda munan da kem. Norma boıynsha 5 gektardan az bolmaýy tıis. Nátıjesinde 27 mln. gektar jaıylymdyq jer degradatsııaǵa ushyrap jáne bul kólem jyldan jylǵa ulǵaıý ústinde. Osyndaı jaǵdaıdardyń qalyptasýynyń basty sebepteri: Birinshiden, 100 mln. gektar jaıylymdyq alqap osy kúnge deıin aınalymǵa enbeı, dástúrli mal sharýashylyǵyn damytýǵa óziniń tolyqqandy úlesin qospaı keledi. Ekinshiden, aýyldardyń tórt túlik malynyń basym kópshiligi nemese 70 paıyzy tek qana aýyl mańyna jaqyn jerlerge shoǵyrlanǵan. Úshinshiden, shalǵaıdaǵy jaıylymdardy sýlandyrý máselesi tolyǵymen sheshilmegen. Infraqurylym jelileri damymaǵan. Tórtinshiden, mal basynyń basym bóligi usaq nemese qosalqy sharýashylyqtarda bolǵandyqtan mal ıeleleri ekonomıkalyq faktorlarǵa baılanysty maldaryn shalǵaıdaǵy jerlerge nemese jazdyq jaıylymdarǵa shyǵarýǵa múmkindikteri joq. Besinshiden, aýyldyq okrýgterdiń qaraýyndaǵy ıaǵnı, aktsıonerlik qoǵamdarǵa, jaýapkershiligi shekteýli seriktestikterge, sharýashylyq qojalyqtaryna, orman sý sharýshalyqtaryna tıesili keıbir jaıylymdyq jerler zań júzinde rettelmegendikten bul sherler tolyq paıdalanýǵa engizilmeı, nátıjesin bermeı otyr», - dedi J.Dúısebaev.
