Depýtat dızel otyny tapshylyǵy máselesine qatysty Úkimetke saýal joldady

ASTANA. QazAqparat – Búgin Senattyń jalpy otyrysynda depýtat Baqytjan Baıahmetov dızel otyny boıynsha tapshylyq máselesin sheshý kerek ekenin aıtty. Osy oraıda ol Úkimet basshysy Álıhan Smaıylovtyń atyna saýal joldady, dep habarlaıdy QazAqparat tilshisi.

Depýtattyń aıtýynsha, qazaqstandyqtar keıingi jyldary dızel otynynyń tapshylyǵy problemasymen birneshe ret betpe-bet kelip otyr. Janar-jaǵarmaı tek talon men karta boıynsha nemese tipti shekteýli kólemde ǵana satylǵan kezderi boldy.

B. Baıahmetovtiń sózine qaraǵanda, elimizdegi iri úsh munaı óńdeý zaýytynda óndiris problemasyna baılanysty jyl saıyn munaı ónimderiniń tapshylyǵy bastalady.

Senator buǵan kórshi elderdegi otyn baǵasy da sebep bolatynyn, óıtkeni onda bizge qaraǵanda janar-jaǵarmaı qymbat ekenin aıtty.

Depýtat 2025 jylǵy 1 qańtardan bastap EAEO aıasynda munaı men munaı ónimderiniń biryńǵaı naryǵynyń normasy engiziletinin eske saldy. Oǵan bizdiń elden basqa Reseı men Qyrǵyzstan kiredi, olarda otyn baǵasy joǵary.

Osy oraıda, Baqytjan Baıahmetov Úkimetke birneshe suraǵyn joldady.

«Úsh iri munaı óńdeý zaýytynyń óndiristik qýatynda barynsha jumys isteýin eskere otyryp, Úkimet munaı ónimderi óndirisiniń ósýin yntalandyrý úshin qandaı sharalar qabyldaýdy josparlap otyr? Qazaqstan men kórshiles elder arasyndaǵy dızel otyny baǵasy boıynsha jalǵasyp kele jatqan teńsizdigine qatysty Úkimettiń kózqarasy qandaı? Únemi bolyp turatyn munaı ónimderi men dızel otynynyń tapshylyǵy máselesin sheshý úshin Úkimettiń orta merzimdi nemese uzaq merzimdi jospary bar ma?» - dedi depýtat Baıahmetov.