Depýtat bıýdjet tapshylyǵy jóninde: Josparlaý tásilindegi kemshilikterdi joıý kerek

ASTANA. KAZINFORM – Bıýdjet tapshylyǵyna josparlaý tásilindegi kemshilikter áser etip otyr. Bul týraly Kazinform agenttiginiń BIZDIÑ ORTA podkasynda Májilis depýtaty Murat Ergeshbaev málim etti.

- Bıýjet tapshylyǵyn daǵdarys dep baǵalaýǵa kelmeıdi, sebebi álem elderiniń kóbisinde bıýdjet tapshylyǵy bar. Biraq bıýdjet profıtsıti bar memleketter de kezdesedi.

Meniń oıymsha, tapshylyqtyń basty sebebi – josparlaý tásili durys emes. Birinshiden, shyǵynyn durys josparlamaımyz. Ekinshiden, tabys ta tıisti deńgeıge josparlanbaı otyr, - dedi M.Ergeshbaev. 

Osy oraıda depýtat 2024 jyly bıýdjet tapshylyǵy 3,6 trln teńgeni quraǵynan eske saldy. 
Óz kezeginde ekonomıst, táýelsiz sarapshy Erlan Karımov josparlaýda tıisti problema bar degen ýájben kelisetinin aıtty.

- Kezinde qabyldanǵan memlekettik baǵdarlamalar bar. Olarǵa qomaqty qarajat bólindi. Bes baǵdarlamanyń ózine - «Nurly jer», «Nurly jol», Údemeli ındýstrıaldy-ınnovatsııalyq damý, Bıznestiń jol kartasyna 20 trln teńge shamasynda qarajat bólindi. Osy baǵdarlamalar merziminen buryn joıyldy. Bul qarajat qanshalyqty tıimdi jumsaldy?! Onyń nátıjesi qaıda?, - dedi sarapshy.

Eske salsaq, jaqyn arada Parlament Májilisi Qazaqstan Úkimetiniń jáne QR Joǵary aýdıtorlyq palatasynyń 2024 jylǵy respýblıkalyq bıýdjettiń atqarylýy týraly esepterin talqylaıdy.