«Depýtat bolǵanda ne bitirdiń?» degen suraq sharshatty - Táńirbergen Berdońǵarov

ASTANA. QazAqparat - Búgin «Astana Digital Forum» aıasyndaǵy vıdeo-blogıng sessııasynda eks-depýtat Táńirbergen Berdońǵarov áleýmettik jelidegi belsendiligin túsindirdi, dep xabarlaıdy QazAqparat tilshisi.

"Shynymdy aıtsam, "Depýtat bolǵanda ne bitirdiń?" degen suraqtan sharshap kettim. Iá, men Parlament Májilisiniń depýtaty boldym. Jańaǵy suraqqa men talaı ret jaýap bergenmin. Sol kezde xalyqqa qajetti zańdardy jazýǵa tyrystym, baryn saldym. Degenmen, bári maǵan ǵana baılanysty emes. Qazir men qoǵamdyq jumyspen tyǵyz aınalysyp, saǵat saıyn ne istep, ne qoıǵanymdy, qandaı máselege aralasqanymdy áleýmettik jelige salyp otyramyn. Bir qyzyǵy, sońǵy kezde xalyq tarapynan "Depýtat bolǵanda ne bitirdiń?" degen suraqtar azaıdy", - deıdi Berdońǵarov.

Ótken aıda ol Azamattyq alıansty basqarýǵa kiristi. Endi, uıym músheleri YouTube arnasynda belgili bir máseleni kóterip qana qoımaı, ony sheshý joldaryn da izdeıtin bolady.

Aıta keteıik ,  búgin "Astana Media Week" aptalyǵy aıasynda «Astana Digital Forum» ashyldy. Osy forýmnyń ashylý saltanatynda  QR Aqparat jáne kommýnıkatsııalar mınıstri Dáýren Abaev tsıfrlandyrýdy qarapaıym mysaldarmen túsindirdi. Al  "CEO Select Communication Group"-tyń ókili Vıktor Elıseev tsıfrlandyrý aıasynda jumyssyzdyqqa daıyn bolý qajettigin jetkizdi. Qazaqstannyń ınternet kommertsııaǵa qatysý kórsetkishi de jarııalandy . "WikiBilim" qoǵamdyq qorynyń negizin qalaýshylardyń biri Nurtaı Áshimniń aıtýynsha, qazaqsha Vıkıpedııany paıdalaný kórsetkishi jyldan jylǵa artyp keledi .