Depýtat baılanys naryǵynda shyǵyndy azaıtýdyń jolyn usyndy
ASTANA. KAZINFORM — Májilis depýtaty Ashat Aımaǵambetov halyqtyń mazasyn alatyn avtodozvondarǵa tyıym salý jáne baılanys naryǵyndaǵy monopolııany joıyp, tarıfterdi túsirý máselesin kóterdi.
Onyń sózinshe, avtodozvonǵa tyıym salý kerek. Sebebi qazirgi tańda osyndaı qońyraýlar azamattar úshin naǵyz problemaǵa aınaldy.
— Biz zań jobasyna buǵan tyıym salatyn arnaıy norma engizýdi usyndyq. Mınıstrlik bul máseleni «buıryq deńgeıinde sheshemiz» degenine birneshe aı ótse de, nátıje joq. Sonymen qatar, alaıaqtardyń sheteldik nómirler arqyly jasaıtyn shabýyldaryna tosqaýyl qoıý — kezek kúttirmeıtin sharýa, — dep jazdy depýtat Telegram-arnasyndaǵy paraqshasynda.
Sonymen qatar, Aımaǵambetoy mobıldi operatorlar arasynda básekelestikti arttyrý qajet ekenin alǵa tartty.
— Qazir kópqabatty úılerde ár operator óz aldyna bólek ınfraqurylym tartady, bul qymbat jáne tıimsiz. Eýropa men AQSh tájirıbesine súıenip, «ınfraqurylymdy ortaq paıdalaný» prıntsıpin engizýdi usyndyq, ıaǵnı, árqaısysy jeke ınfraqurylym tartqansha, bar kanaldardy ózara bólisýdi mindetteý kerek. Bul shyǵyndardy azaıtyp, sońǵy nátıjede tarıfterdiń tómendeýine da áser etýi tıis. Baılanys sapasy men baǵasy halyqtyń kóńilinen shyǵýy kerek, — dep túıindedi ol.
Osyǵan deıin Ashat Aımaǵambetov bilim bıýdjetin oblystan aýdanǵa qaıtarýǵa qarsylyq bildirgenin jazǵanbyz.
