Depýtat Baqytjan Bazarbek jańa qurylys kodeksiniń jobasyn synǵa aldy
ASTANA. KAZINFORM – - Búgin Májiliste jańa Qurylys kodeksiniń jobasyn tanystyrýǵa arnalǵan jıynda depýtat Baqytjan Bazarbek atalǵan qujattaǵy normalardy synǵa aldy.
Depýtat jańa Qurylys kodeksiniń jobasynda barlyq usynys eskerilmegenin, shyn máninde ondaǵy normalar burynǵy zańnamadan kóshirilgenin aıtty.
«Bul Qurylys kodeksiniń jobasynda jańa eshteńe joq. Seısmıka boıynsha 145-bapqa toqtalsaq, pasporttaý men kózben qarap shyǵý eskerilgen. Atap aıtqanda, seısmıka – ol adam ómirine tikeleı qatysty. ıAǵnı, Almatyda bolǵan oqıǵa qaıtalanýy múmkin, biz aldyn alý sharalaryn qolǵa alýymyz kerek. Nysan paıdalanýǵa qabyldanǵanǵa deıin tıisti tetikter iske qosylýy qajet. Bul normalardy qoldanystaǵy zańnamadan jaı ǵana kóshirip alǵandaryńyz túsinikti boldy. Negizinde, osy sarynmen bul kodeksti birinshi kýrs stýdenti de jasaı alady, bul referet nemese kýrstyq jumysqa ǵana tatıdy. Sizder ony bizge qurylys kodeksiniń jobasy retinde usynyp otyrsyzdar», - dedi B. Bazarbek.
Depýtat qujatta seısmıkalyq aýdıttiń tetikteri naqty kórsetilmegenin aıtty.
«Shyn máninde, bul kodeks táýekelderge jaýap bermeıdi», - dedi Baqytjan Bazarbek.
Tanystyrylymnan keıin tilshiler QR Ónerkásip jáne qurylys vıtse-mınıstri Tımýr Qaraǵoıshınnen atalǵan synǵan qatysty pikirin surady.
«Bul aıtylǵan synǵa jumys tobynyń otyrysy kezinde egjeı-tegjeıli jaýap beremiz. Sebebi qurylys salasy barynsha tsıfrlandyrylady. Osy baǵyttaǵy jańa qadamdardy depýtattarǵa dáleldeımiz. ıAǵnı qaı elektrondy júıe qalaı istep turǵanyn kórsetemiz. Eger bizden kemshilikter bolsa, depýtattardyń ýájimen kelisemiz. Jalpy kodeks jobasy saraptamadan,Úkimettiń qaraýynan ótken. Sondyqtan qujat jobasyn qarap shyqqan mamandar saýatsyz emes qoı?! Kodeks jobasyn daıarlaý kezinde Eýropadaǵy elderdiń tájirıbesi zertteldi. Elimizdiń ár oblysynda talqylaý jasadyq», - dedi T. Qaraǵoıshın.
Eske salsaq, jaqynda Úkimettiń keńeıtilgen otyrysynda Memleket basshysy Qasym-Jomart Toqaev qala qurylysy týraly kodekstiń jobasy talapqa saı emes ekenin aıtty.
