Depýtat B. Syzdyqova Bilim kúnin demalys retinde jarııalaý týraly bastama kóterdi
ASTANA. Qyrkúıektiń 2-si. QazAqparat /Qanat Mámetqazyuly/ - Búgin QR Parlamenti Májilisiniń jalpy otyrysynda depýtat Baqyt Syzdyqova qyrkúıektiń 1-i - Bilim kúnin demalys retinde jarııalaý týraly bastama kóterdi. Depýtat osy máseleni qamtyǵan saýalyn Úkimet basshysynyń atyna joldady.
«Keshe ǵana búkil el bolyp Bilim kúnin merekeledik, barlyq mektepterde alǵashqy qońyraý syńǵyrlady. Sońǵy ýaqytta qyrkúıektiń 1-i tek mektepterde ǵana emes, mektepke deıingi mekemelerde de atap ótiletini baıqalady. Jyl saıyn kóptegen azamattar osy aıtýly kúndi balasymen birge ótkizý úshin jumys oryndarynan suranyp jatady. Sonyń saldarynan kóptegen uıymdar tolyq emes jumys kúshimen qyzmet etýge májbúr», dedi depýtat. Onyń aıtýynsha, Bilim kúni baıaǵyda-aq otbasylyq merekege aınalyp úlgergen. «Osyǵan oraı, qyrkúıektiń 1-in jumys emes, demalys kúni etip jarııalaýdy suraımyn. Bul kóptegen azamattardyń múddesine saı keledi», - dedi B. Syzdyqova.
