Depýtat asa aýyr qylmys jasaǵan 600-den astam sottalýshy otyrǵan túrmege bardy
Baqytbek Smaǵul Qyzylorda oblysy boıynsha QAJ departamentine qarasty penıtentsıarlyq mekemedegi sottalǵandardyń ustaý jaǵdaıymen, olardyń quqyqtarynyń saqtalýy jáne medıtsınalyq qamtamasyz etý qyzmetimen tanysty.
Májilis depýtaty oblystyq QAJ departamentiniń bastyǵy ádilet podpolkovnıgi Shaımerden Eskenkeldıevpen birge aralas qaýipsiz ZK-169/5 mekemesiniń negizgi obektileri: turǵyn úı bloktaryn, ashanany, óndiris aýmaqtaryn, sondaı-aq medıtsınalyq bólimderdi aralady.
Jumys sapary barysynda Baqytbek Smaǵul jazasyn ótep jatqan sottalǵandarmen sóılesip, mekemeniń materıaldyq-turmystyq jaı-kúıine, quqyqtarynyń qorǵalýyna, sonymen qatar psıhologııalyq jáne medıtsınalyq kómektiń sapasyna qatysty suraqtar qoıdy.
Depýtat sottalǵandarǵa jasalyp jatqan jaǵdaıdyń jyl saıyn jaqsaryp kele jatqanyn, Memleket basshysynyń ІІM aldyna adam quqyqtaryn saqtaýmen baılanysty mańyzdy tapsyrmalar qoıǵanyn atap ótti.
«Adam quqyqtaryn qorǵaý - Prezıdent Qasym-Jomart Toqaev úshin basym másele. 9 maýsymda Memleket basshysy adam quqyqtary salasyndaǵy negizgi mindetterdi iske asyrý kózdelgen «Qazaqstan Respýblıkasynyń Adam quqyqtary salasyndaǵy odan ári sharalary týraly» Jarlyqqa qol qoıdy. Búgin oblystyń penıtentsıarlyq mekemesine jumys saparymen baryp, qyzmetkerlerdiń atqaryp jatqan jumysyna oń baǵa berdim jáne bar kúsh-jigerin kórdim», - dep túıindedi Baqytbek Smaǵul.
Jalpy, aımaqta úsh penıtentsıarlyq mekeme bar, onyń arasynda ZK-169/5 mekemesi kamera boıynsha ustaý kolonııasy bolyp tabylady.
Atalǵan mekemede adam óltirý, esirtkini saqtaý jáne ótkizý sııaqty aýyr jáne asa aýyr qylmystar, sondaı-aq kámeletke tolmaǵandarǵa jynystyq tıispeýshilikke qarsy qylmystar úshin sottalǵan 600-den astam sottalǵan adam jazasyn óteýde.
Búgingi tańda mekemeniń óndiristik aımaǵynda «Eńbek-Qyzylorda» RMK fılıalymen qatar, 13 kásipker jumys isteıdi, olar munda 400-den astam sottalǵandy jumyspen qamatyp otyr.
Olar aıaq kıim tigýmen, qurylys materıaldaryn, plastıkalyq terezeler, jalıýzı jáne jumsaq jıhaz óndirýmen aınalysady.
Sondaı-aq rejımdik obektiniń aýmaǵynda naýbaıhana tsehy jumys isteıdi, munda kún saıyn shamamen 1000 bólke nan shyǵarylady.
Osy jerden jańadan pisirilgen nan oblystyń basqa da penıtentsıarlyq mekemelerine jiberiledi.
