Depýtat Almatynyń taksı qyzmeti men qoǵamdyq kóligin, sheneýnikterdi elektromobılge kóshirýdi usyndy

ASTANA. KAZINFORM – Májilis depýtaty Sergeı Ponomarev palatanyń jalpy otyrysynda Almaty qalasynyń ekologııalyq ahýalyn jaqsartýdyń jolyn usyndy.

- Men Májilis qabyldaǵan «Akvamádenıet týraly» Zań jobasynyń jumys tobyna jetekshilik ettim. Almatydaǵy ekologııalyq qaterge taǵy da nazar aýdarǵym keledi. Súıikti qalamyzda aýa sapasynyń nasharlaǵany sonshalyq, almatylyqtar megapolıstiń qasiretine nazar aýdartý úshin qalany shańsorǵyshpen «tazalap» jatyr, - dedi Sergeı Ponomarev.

Depýtat bul máseleniń sheshimin elektromobılderdiń qoldanys aıasyn keńeıtýden kórip otyr. 

- Meniń oıymsha, qaladaǵy bul máseleni elektromobılderdiń kómegimen sheshýge bolady. Memlekettik uıymdar men kvazımemlekettik sektordy elektromobılderge otyrǵyzý kerek. Almaty ákimdigine elektr qozǵaltqyshy bar qoǵamdyq kóliktiń úlesin arttyrý kerek. Búkil taksı men avtokólikterdi elektr jelisine aýystyrý qajet, - dedi ol.

Aıta keteıik, búgingi Májilis jıynynda Prezıdent Qasym-Jomart Toqaevtyń saıası reformasy talqylanyp jatyr. Oǵan palata depýtattarynan bólek, ǵalymdar men sarapshylar, BAQ basshylary qatysyp otyr.