Depýtat Álııa Ǵalymova Qarjy jáne bıýdjet komıtetiniń múshesi bolyp saılandy
ASTANA. QazAqparat - Májilis depýtaty Álııa Ǵalymova palatanyń Qarjy jáne bıýdjet komıtetiniń múshesi bolyp saılandy. Búgin Májilistiń jalpy otyrysynda palata depýtattary osyndaı sheshim qabyldady.
Eske sala keteıik, «Nur Otan» partııasynyń múshesi Álııa Qaıratqyzy Ǵalymova Ortalyq saılaý komıssııasynyń 5 qazandaǵy qaýlysymen Parlament Májilisiniń depýtaty bolyp saılanǵan edi. Ol «Nur Otan» partııasy atynan saılanǵan depýtat Darıǵa Nazarbaevanyń ornyna kelip otyr. D. Nazarbaeva Úkimet basshysynyń orynbasary qyzmetine taǵaıyndalyp, onyń depýtattyq ókilettigi merziminen buryn toqtatylǵan bolatyn.
Á.Ǵalymova 1970 jyldyń 18 shildesinde Pavlodar qalasynda týǵan. Ál-Farabı atyndaǵy Qazaq memlekettik ýnıversıtetiniń tarıh fakýltetin bitirgen. 2003 jyldan - QR Prezıdenti Ákimshiligi Іshki saıasat bóliminiń bas sarapshysy. 2004 jyldyń mamyrynan - QR Prezıdenti Ákimshiligi Іshki saıasat basqarmasynyń bas sarapshysy; 2004 jyldyń qyrkúıeginen - áleýmettik-saıası bólim sektorynyń meńgerýshisi. 2005 jyldan - QR Prezıdenti Ákimshiligi sektorynyń meńgerýshisi; 2006 jyldan - áleýmettik-saıası bólim meńgerýshisiniń orynbasary. 2008 jyldan - QR Prezıdenti Ákimshiligi Іshki saıasat bólimi meńgerýshisiniń orynbasary, 2010 jyldan - Pavlodar oblysy ákiminiń orynbasary qyzmetterin atqarǵan. 2012 jylǵy aqpannan bastap búginge deıin QR Bilim jáne ǵylym mınıstrliginiń jaýapty hatshysy laýazymynda boldy.
