Depozıtterge kepildik berý qory «Qazınvestbank» klıentteriniń ótemaqysyn tólep jatyr
Salymshylar 13 tamyzǵa deıin agent bankke tóleý týraly ótinish bere alady. Kórsetilgen ýaqyttan keıin «Qazınvestbank» AQ salymshylary QDKBQ-na tikeleı jolyǵýlary qajet.
«Qazınvestbank» AQ-ny «Alfa-Bank» EB AQ satyp alǵannan keıin, bank aktıvteri men mindettemeleri soǵan berilip, dál osy ýaqytta klıentterdiń shottarynda qalǵan somany tóleý úshin «Bank TsentrKredıt» AQ agent bank bolyp taǵaıyndalǵan bolatyn. Ol 13 aqpannan bastap jarty jyl ishinde fılıaldar arqyly jeke tulǵalardyń ótinishterin qabyldap ári óńdedi. Agenttik kelisim negizinde QDKBQ-nyń qarajaty esebi men atynan kepildik berilgen ótemdi tóledi.
«Qazınvestbank» AQ-nyń 70 salymshysyna kepildik berilgen ótemdi tóleý úshin QDKBQ 2,07 mıllıon teńge bóldi. Onyń ishinde 8 salymshyǵa kepildik berilgen ótemniń 1,81 mıllıon teńgesi nemese tóleýge jatatyn jalpy somanyń 87,6%-y óteldi. Talap etilmegen somanyń kólemi - 256 myń teńge.
Salymshylar 13 tamyzdan bastap kepildik berilgen ótemdi alýǵa ótinish bere alady. Klıent jeke ózi kelse, ótemaqy alýǵa ótinish berip, jeke basyn kýálandyratyn qujattyń túpnusqasyn berýi qajet. Salymshynyń ókili kelgen jaǵdaıda - notarıaldy kýálandyrylǵan senimhattyń túpnusqasyn ala kelgeni jón. Poshta arqyly ótinish jasaǵan kezde ótinish berýshi eń az qujattar paketin jiberýi tıis, olar - belgilengen nysanda ótemaqy tóleý týraly notarıaldy kýálandyrylǵan ótinish jáne jeke basyn kýálandyratyn qujattyń notarıaldy kýálandyrylǵan kóshirmesi.
Kepildik berilgen ótemdi tóleý týraly ótinish blankisi QDKBQ www.kdif.kz ınternet-resýrsynda qoljetimdi. Aqyl-keńes kerek bolsa, QDKBQ mamandaryna 8 8000 80 10 20 (qońyraý shalý tegin); +7 (727) 312 24 40, +7 (727) 312 24 41 (Almaty q.) telefon nómirleri arqyly habarlasýǵa bolady.
QDKBQ mamandary sondaı-aq Telegram messendjerinde de keńes bere alady: 27 maýsymnan beri «KDIF | Suraqtar men jaýaptar» chaty jumys istep tur.
