Depozıtterdiń dollarlaný deńgeıi tómendedi – Ulttyq bank

ALMATY. QazAqparat – Ulttyq banktiń aqsha-kredıt saıasaty departamentiniń dırektory Jandos Shaımardanov bıylǵy jyldyń 10 aıyndaǵy depozıtterdiń kólemi týraly aıtyp berdi, dep habarlaıdy QazAqparat tilshisi.

Onyń málimeti boıynsha, bank júıesindegi depozıtter bıylǵy 10 aıda 15,3%-ǵa nemese 2,916 trln teńgege ósip, 21,938 trln teńgege jetken.

«Onyń ishinde teńge salymdary – 20,0%-ǵa nemese 2,160 trln teńgege ósip, 12,980 trln teńgege jetti. Valıýtalyq salymdar meıilinshe qalypty qarqynmen – 9,2%-ǵa nemese 756,1 mlrd teńgege, osy jylǵy qazannyń sońyndaǵy 8,957 trln teńgege deıin ósti. Valıýtalyq depozıtterdi baǵamdyq qaıta baǵalaý jıyntyq depozıtterdiń ósýi 15,3%- qurady»,– deıdi Jandos Shaımardanov.

Depozıtterdiń dollarlanýy jyldyń basynan bastap 43,1%-dan 40,8%-ǵa deıin, onyń ishinde korporatıvtik sektor depozıtteriniń dollarlanýy 44,8%-dan 40,7%-ǵa deıin, bólshek sektor boıynsha 41,3%-dan 40,9 paıyzǵa deıin tómendep ketti.