Depozıtter boıynsha naýryz aıyna usynylǵan eń joǵary syıaqy mólsherlemesi bekitildi
ALMATY. QazAqparat – Qazaqstannyń depozıtterge kepildik berý qory teńgelik depozıtter boıynsha 2022 jyldyń naýryz aıyna usynylǵan eń joǵary syıaqy mólsherlemelerin bekitti, dep habarlaıdy QazAqparat tilshisi.
Merzimdik depozıtterge tıesili 12 (on eki) aılyq maksımaldy mólsherleme 0,3 paıyzdyq pýnktke ulǵaıdy.
Jekelegen bank salymdarynyń aıryqsha shoǵyrlanýyna baılanysty 3, 6 jáne 24 aılyq merzimdik depozıtter men 24 aılyq jınaqtyq depozıtterge tıesili maksımaldy syıaqy mólsherlemeleri aqpan aıyndaǵy mándik deńgeıinde bekitildi.
2022 jyldyń 24 qańtarynda bazalyq mólsherleme ózgerýine baılanysty aýysqan merzimsiz depozıtterdiń maksımaldy mólsherlemesi óz deńgeıinde qaldy.
Buǵan deıin eldegi qarjy turaqtylyǵyn qamtý maqsatynda 2020 jylyń 11 qańtarynda 3, 6 jáne 12 aılyq jınaqtyq salymdar mólsherlemesi ulǵaıǵan bolatyn.
Jaǵdaıdyń turaqtalýy men depozıtterdiń osy túrleri boıynsha naryqta qalyptasqan ortasha mólsherlemelerdi eskere otyryp, 2022 jyldyń naýryzynan bastap 3, 6 jáne 12 aıǵa jınaq salymdary boıynsha maksımaldy syıaqy mólsherlemesin birte-birte tómendetý týraly sheshim qabyldandy.
Osyǵan deıin Qazaqstannyń depozıtterge kepildik berý qory teńge depozıtteri boıynsha 2022 jyldyń qańtar aıyna usynylatyn eń joǵary syıaqy mólsherlemelerin bekitkenin jazǵan bolatynbyz.
