Depozıt boıynsha memlekettik ótemaqy alýǵa ótinish qabyldaý bastaldy

ASTANA. QazAqparat – «Otbasy bank» AQ ortalyq fılıalynyń dırektory Jansultan Mataı teńge depozıtterin qorǵaý maqsatynda qolǵa alynǵan 10 paıyzdyq ótemaqy kimderge beriletinin túsindirdi, dep habarlaıdy QazAqparat tilshisi.

«Otbasy bank» teńge depozıtterin qorǵaý boıynsha ótemaqy berý baǵdarlamasyna qatysyp jatyr. Ondaı ótemaqyny kimder alady? Buǵan deıin «Otbasy bankten» ıpotekamen úı alǵandar ǵana qatysa ma, álde aqsha jınap jatqandar ǵana qatysa ma», - dep surady BAQ ókili ortalyq kommýnıkatsııalar qyzmetinde ótken brıfıngide.

«Bul jerde nesıe jınap jatqan, ázirge baspana almaǵan adam da baǵdarlamaǵa qatysa alady. Oǵan da 10 paıyz ótemaqy beriledi.

Sondaı-aq 2022 jyldyń 20 aqpanyna deıin bizden aralyq jáne aldyn ala zaım alǵan, bizdegi kepilde turǵan depozıtterge de 10 paıyz ústine qosylady. Merzimderin naqtylasaq, 1 qazannan 1 qańtarǵa onlaın túrde ótinish berý kerek», - dedi Jansultan Mataı.

Al «Otbasy bank» AQ tóraǵasy Lázzat Ibragımova eki kúnniń ishinde atalǵan ótemaqy alýǵa 2,5 myń ótinish túskenin málim etti.

«Eki kún boldy. Biz portal boıynsha ashtyq, ótinishterdi alyp jatyrmyz. Keshe maǵan ІT-mamandardyń bergen aqparaty boıynsha, 2,5 myń ótinish tústi. ıAǵnı, 2023 jyldyń birinshi qańtaryna deıin «Otbasy bank» salymshylary ótemaqy alady. Portalǵa kirip, ótinish berip, qujattarǵa qol qoıǵandaryńyzdy kútemiz»,-dedi Lázzat Ibragımova.