Depozıt boıynsha mamyrǵa arnalǵan syıaqy mólsherlemesi bekitildi

ALMATY. QazAqparat - Qazaqstannyń depozıtterge kepildik berý qory (QDKBQ) teńge depozıtteri boıynsha 2021 jyldyń mamyr aıyna usynylatyn eń joǵary syıaqy mólsherlemesin bekitti, dep habarlaıdy QazAqparat tilshisi.

«2021 jyldyń mamyrynda Qazaqstan Ulttyq bankiniń bazalyq mólsherlemesiniń deńgeıi qaıta qaralmaǵandyqtan, qysqa merzimdi depozıtter boıynsha maksımaldy mólsherleme burynǵy deńgeıinde - 9 paıyz kúıinde qaldy»,-dep habarlady qordyń baspasóz qyzmeti.

Mólsherlemeleri naryqqa táýeldi 24 aıǵa arnalǵan jınaq salymdardy qospaǵanda, uzaq merzimdi depozıtter boıynsha mólsherleme de ózgergen joq.

Naryqta 24 aıǵa ashylatyn jınaq salymdar boıynsha naryqtyq mólsherlemelerdiń tómendeý úrdisine baılanysty olar boıynsha mólsherlemeler azdap tómendedi.