Deparde jańa frantsýz fılminde Stalınniń rólin somdaıdy
ASTANA. QazAqparat - Frantsýz akteri Jerar Deparde Fannı Ardannyń fılminde Stalınniń rólin oınaıdy.
Fılm Jan-Danıel Baltasstyń 2013 jyly jarııalanǵan «Stalın dıvany» atty psıhologııalyq romanynyń jelisimen túsirilmek. Shyǵarmadaǵy oqıǵa KSRO-da 20-shy ǵasyrdyń 50-shi jyldardyń basynda órbidi.
Túsirilimge «Mosfılm» qatystyrylady dep boljanǵan. Onyń mamandary sol kezdegi kostıýmderdi, rekvızıtterdi jáne dekoratsııalardy daıyndaýǵa kómektesedi. Reseılik kınokontsernniń baspasóz qyzmetinen habarlaǵandaı, fılmniń ataýy - Le divan de Staline («Stalın dıvany»). Túsirilimniń bastalýy men kınolentanyń prokatqa shyǵýy jaıly habarlanbady.
