Deparde Belorýssııada «sharýalar» arasynda ómir súrýge nıet tanytty
ASTANA. QazAqparat - Frantsýz akteri Jerar Deparde Aleksandr Lýkashenkony qurmettegendikten Belorýssııada turýdy qalaıtynyn málim etti.
"Qazir Italııada turamyn. Jaqyn arada Belorýssııaǵa kóshemin, sharýalar arasynda tirshilik keshemin. Óıtkeni ondaǵy tabıǵat kórkem jáne prezıdenti jaqsy adam", - dedi Deparde Le Figaro frantsýz gazetine bergen suhbatynda.
Akter Eýropanyń damý joly, qazirgi eýropalyq lıderler men EO-nyń mıgranttar men fermerlerge degen qatynasy unamaıtynyn aıtty.
Deparde Belorýssııada shilde aıynda bolǵan. Ol prezıdent Lýkashenkomen kezdesti. Memleket basshysy oǵan aýyl sharýashylyǵyndaǵy jumysty kórsetip, shóp shabýdy úıretti.
2013 jyldyń qańtarynda reseılik azamattyqty alǵan Deparde Reseı prezıdenti Vladımır Pýtındi qurmetteıtinin de aıtqan. Foto: TASS
