Deonteı Ýaılder: Golovkın men Kanelo aıqasynda GGG-ge jankúıermin
ASTANA. QazAqparat - Eshqashan jeńilip kórmegen WBC tujyrymy boıynsha aýyr salmaqtaǵy álem chempıony amerıkalyq Deonteı Ýaılder Gennadıı Golovkınniń Saýl «Kanelo» Alvarespen jekpe-jekte basym túsetindigine senimdi, dep habarlady Sports.kz.
«Bul aıqasta (Alvares - Golovkı) - GGG-ge jankúıer bolamyn, onyń salmaqty bola júrip jekpe-jekte kóńil kótergisi keletini, ózin-ózi erkin ustaýy unaıdy. Ol boks - sporttyń qaýipti túri ekenin biledi, biraq arasynda kóńil kótergende turǵan ne bar eken? Keıde ózimiz qalap, soqqylar da qabyldaımyz. Qaýipti jarysty kóńildi sáttermen úılestire bilýdiń ózi seni uly boksshy etedi.
Lara Kanelony jeńse de, oǵan jeńisti bermedi dep oılaımyn. Lara kóp júgirdi deıdi, ol jeńý úshin barlyq amaldy qarastyrdy. Golovkın qaımyqpaı alǵa umtylatyn, soqqy berýden qoryqpaıtyn ójet qarsylas. Jekpe-jekte Golovkın Kanelodan basym túsedi, men ony tańdar edim», - dedi On the Ropes Radio-ǵa bergen suhbatynda Ýaılder.
