Densaýlyqqa paıdaly táttiler

1. Qara shokolad. Qara shokoladtyń sútti shokoladtan kalorııasy azdaý bolsa da, quramynda adam densaýlyǵyna paıdaly nárseler óte kóp. Mysaly: antıoksıdanttar, flavonoıdtar, dárýmender, kaltsıı, temir, magnıı sekildi elementter bar.

2. Zefır. Basqa táttilerge qaraǵanda zefırdiń quramynda kalorıı sany óte az. Alaıda, bulshyq etińizdi qataıtatyn temir, fosfor, aqýyz sekildi elementter bar.

3. Jemis qaǵynan jasalǵan kámpıt. Bul kámpıtter semirtedi dep oılamańyz. Ol marmelad sııaqty. Aǵzadaǵy aýyr tuzdy metaldardy shyǵarady.

4. Marmelad. Marmeladta pektın óte kóp. Ol holestırın mólsherin azaıtyp, ishek-qaryn jolyn qalypqa keltiredi. Sonymen qatar, bul táttide kalorıı asa kóp emes.

5. Bal. Baldaǵy kalorıı mólsheri qanttaǵydaı. Alaıda ol qantqa qaraǵanda dámdirek. Eger bir shynaıaq shaıǵa eki qasyq qant salatyn bolsańyz, onyń ornyna 1 qasyq bal salýǵa bolady. Balda aǵzamyzǵa paıdaly dárýmender, mıneraldar, amınqyshqyldary bar.

6. Alýa. Alýa qur tátti ǵana emes, ol aǵzańyzdy jasartýǵa kómektesedi. Óıtkeni onyń quramyndaǵy A, E, V dárýmenderi terińizge paıdaly jáne júrek-tamyr júıesin jaqsartady.

7. Tsýkat. Quramynda beta-karotın, tokoferola jáne askorbın qyshqyly sekildi dárýmender men antıoksıdanttar bar tabıǵı taǵam. Tsýkat este saqtaý qabiletińizdi jaqsartady jáne sharshaǵanyńyzdy tez basady.

8. Tosap. Tosap dárýmender men mıneraldardyń qaınar kózi. Onyń sizdiń densaýlyǵyńyzǵa eń paıdalylary: tańqýraı tosaby, qyzyl tal tosaby, alhory tosaby jáne jańǵaq qosylǵan tosap.

9. Quraq qant. Osydan 20 jyl buryn batys dıetologtary qońyr quraq qanttardyń paıdaly tustaryn aıtqan bolatyn. Olardyń quramynda aǵzamyzǵa kerekti kaltsıı, magnıı, temir, fosfor, kalıı sekildi mıkroelementter bar.

10. Jemis-jıdekter. Jemis-jıdekterde ómirińizdi uzartyp, densaýlyǵyńyzdy jaqsartatyn dárýmender, mıkroelementter, mıneraldy tuzdar men antıoksıdanttar kóptep kezdesedi. Quramynda organıkalyq qyshqyldar, efır maıy, aqýyz, pektın jáne jasunyqtar bolǵasyn jemisterdi erteden adam densaýlyǵyna eń paıdaly ónimderdiń qataryna jatqyzady.
Kerek keńes «Massaget» portalynan alyndy.