Densaýlyqqa paıdaly 12 taǵam

1. Sút

Adamzat balasy dúnıege kelgen kezde áýeli ana sútin qorek etedi. Ana súti ómirge kelgen jas sábıdiń damyp, ósýine yqpal etedi. Sebebi, onyń quramynda balaǵa qajetti elementter bar.

Jas sábıge sút qanshalyqty qajet bolsa, úlken adamdarǵa da sonshalyqty qajet. Sút quramyndaǵy aqýyz tyrnaq, shash ósimin jaqsartyp, súıekterdiń qataıyp, myqty bolýyna áser etedi. Dárigerlerdiń aıtýy boıynsha, kúndelikti maılylyǵy tómen sút ónimderin paıdalaný as qorytý júıesin jaqsartady.

2. Aıran

Sút te bar elementter aıranda da bar. Sondaı-aq, aıranda aǵzadaǵy zat almasý júıesin jyldamdatady. Artyq salmaqtan arylýdy kózdeıtin jandar kúnine 1 stakan aıran ishse, dittegen maqsatyna jete alady. Dıetolog-mamandardyń aıtýynsha, aırandy keshki ýaqytta ishken paıdaly.

3. Taýyq eti

Taýyq etiniń quramynda V tobyndaǵy dárýmender, aqýyz ben amınqyshqyldary bar. As qorytý júıesin, aǵzadaǵy qan aınalymyn, júrek pen bulshyq et jumysyn jaqsartady. Qýyrylǵan taýyq etinen qaraǵanda qaınatylǵan taýyq eti paıdalyraq.

4. Balyq

Balyq quramynda aǵzaǵa qajetti barlyq elementter bar. Onyń quramyndaǵy antıoksıdanttar qımyl-qozǵalys koordınatsııasyn jaqsartyp, kóterińki kóńil-kúı syılaıdy.

5. Kókónister

Sábiz, oramjapyraq, qyzylsha quramynda kóz kórýin jaqsartyp, terini qalypqa keltiretin beta-karotın bar. Beta-karotın kárilikti tejep, asqazan jumysyn jaqsartady. Kókónister anemııa, avıtamınoz, búırek pen baýyr aýrýlarynyń aldyn alyp, olarǵa qarsy tura alady.

6. Kıvı, ananas jáne tsıtrýs jemisteri

Bul jemisterdiń quramynda S dárýmeni bar. Aǵzadaǵy zat almasý júıesin jaqsartyp, stress pen depressııadan saqtaıdy. Kóńil-kúıdi kóterip, ımmýnıtetti kúsheıtedi. Sondaı-aq, jemister artyq salmaqtan arylýǵa jol ashady.

7. Mango

Amınqyshqyldary men A, V, S tobyndaǵy dárýmenderge jáne paıdaly ári aǵzaǵa qajetti elementterge toly jemis. Mango artyq salmaq tastaýǵa, stressten arylýǵa jol beredi. Tumaý, rınıt sııaqty aýrýlardyń aldyn alyp, kóz kórýin jaqsartady.

8. Shıe

Aǵzaǵa paıdaly tátti jıdek quramynda ımmýnıtetti kúsheıtetin karotın men S dárýmeni bar. Karotın aǵzadaǵy zııandy qaldyqtardyń syrtqa shyǵýyna yqpal etedi. Al S dárýmeni ókpe, búırek, anemııa aýrýlarynyń aldyn alady.

9. Qara búldirgen

Bul qara jıdektiń quramynda V dárýmeni, glıýkoza jáne amınqyshqyldar bar. Aǵzadaǵy zat almasý men kóz kórýin jaqsartyp, teriniń taza ári balǵyn bolýyna jol beredi.

10. Asqabaq

Quramyndaǵy kalıı, kaltsıı, magnıı, temir, myrysh, S dárýmeni, aqýyz, beta-karotın sııaqty elementterdiń arqasynda asqabaq onkologııalyq aýrýlardyń aldyn alady. Shash, tyrnaq ósimin jaqsartyp, terini tazartyp, qataıtady. Aǵzadaǵy zııandy qaldyqtardy shyǵaryp, artyq salmaqtan arylýǵa yqpal etedi.

11. Teńiz oramjapyraǵy

Myrysh, temir, kalıı, kaltsıı, selen, mys sııaqty mıneraldarǵa baı kókónis júrek, asqazan, zat almasý júıesin jaqsartyp, semizdik, qant dıabeti, ıod jetispeýshiligi sııaqty aýrýlardyń aldyn alady.

12. Jańǵaqtar

Jańǵaqtardyń quramynda adam aǵzasyna qajetti bar elementter men mıneraldar bar. Ol kez kelgen aýrýdyń aldyn alyp, oǵan qarsy tótep bere alady. Dıetolog-mamandar kúndelikti bir ýys jańǵaq jeýge keńes beredi.

massaget.kz saıtynan alyndy.