DENSAÝLYQ: Júzimniń myń san paıdasy
ASTANA. QazAqparat - Júzimniń paıdaly qasıetteri ejelgi Mysyrda belgili bolǵan. Sodan beri júzim tek qana dámdiligimen ǵana emes, emdik qasıetterimen de álemge tanyldy. Ásirese, júzimniń kóptegen dertke daýa ekenine eshkimniń kúmáni joq. Sonymen, júzim týraly ne bilemiz?
Quramyndaǵy paıdaly zattar
Júzimde kóptegen dárýmender men mıkroelementter bar. Aq júzimde temir mol jáne júzim súıegi men qabyǵynda kezdesetin qoıý qara nemese qyzyl tústi resveratrol antıoksıdanty kúshtiń qalypqa kelýine kómektesedi. Ol E dárýmeninen de myqtyraq. Odan bólek, júzimde kaltsıı, kalıı, magnıı, fosfor, sondaı-aq, A, S jáne V6 dárýmenderi bar.
Emge paıdalaný:
Júzim qandaı dertterge daýa bolady?
- onkologııalyq aýrýlardyń aldyn alady
- júrekke jaqsy áser etedi
- tamyrlardy qataıtady
- Qan uıýynyń aldyn alady. Júzimdi qany qoıý adamdarǵa usynǵan jón. Óıtkeni, ol aspırın sekildi qandy taratyp, júrek jumysyn jeńildetedi.
- Kún saıyn júzim shyrynyn ishseńiz, bas saqınasynyń aldyn alady.
- asqazan-ishek joldarynyń jumysyn retteıdi.
- qant dıabetin emdeýde qoldanylady.
- astmasy bar adamdar úshin paıdaly.
- adam terisin balǵyn ári jas bolýyna yqpal etedi.
Júzim qartaıý protsesine qarsy. ıAǵnı, aǵzany jasartady. Júzim shyrynyn aǵzadaǵy shlaktardan arylý úshin paıdalanady. Júzimniń qabyǵynda ornalasqan pıgmentter ımmýnıtetti nyǵaıtady. Sol sebepti, qoıý tústi júzim paıdalyraq bolyp esepteledi.
Eger adam kún saıyn bir stakan júzim shyrynyn iship, bir úzim júzim jese, oǵan qandaı da bir juqpaly aýrýlardyń belgisi darymaıdy.
Qazirgi medıtsınada qoldanylýy
Túrli farmatsevtıkalyq kompanııalar júzimdi BAD óndirýde burynnan qoldanyp keledi. Olardyń quramyna júzim ekstrakttary kiredi. Ásirese, júzimniń súıegi men qabyǵy joǵary baǵalanady. Máselen, usaqtalǵan júzim qabyǵy men súıeginen júrekke arnalǵan untaq jáne kóptegen sergitetin dári-dármekter daıyndalady.
Kosmetologııada qoldanylýy
Erteden beri júzim sulýlyq úshin paıdalanylady. Qazir kez kelgen kosmetıkalyq fırmalardan quramynda júzim kezdesetin ónimdi taba alasyz. Bul negizinen betke arnalǵan kremder. Bul kremderdiń quramynda antıoksıdantty ónimder kóp. Alaıda, júzimniń kómegimen kosmetıkalyq ónimdi úıde daıyndaýǵa bolatynyn da umytpańyz.
Júzimniń ulpasynan bettiń maılylyǵyn qalypqa keltirip, betti sergektendire túsetin maskalar jasaýǵa bolady.
Bul kúnderi tsellıýlıtke qarsy ónimderde júzim belsendi qoldanyla bastady.
Sońǵy zertteýlerdiń nátıjesinde júzimniń erkekterge belsizdikten arylýǵa kómektesetini dáleldendi.
Kereke keńes confederation.kz saıtynan alyndy.
