DENSAÝLYQ: Júzim kórý qabiletin jaqsartady
ASTANA. QazAqparat - Júzimniń quramynda densaýlyq úshin paıdaly antıoksıdanttar mol, ol kózdiń ishki tor qabyǵynyń densaýlyǵyn saqtaýǵa kómektesedi. Maıamı ýnıversıteti ǵalymdarynyń anyqtaýynsha, bul jemisti únemi jeý kórý qabiletiniń nasharlaýy men soqyrlyq qaýpin aıtarlyqtaı azaıtady.
Ata-analary sábizdiń kórý qabileti úshin óte paıdaly dep sanap, balalaryna jegizgen. Alaıda Amerıka ǵalymdary balalardyń kórý qabiletin qorǵaý úshin odan da dámdi ári paıdaly ónimder bar ekenin anyqtady. Olardyń biri egde jasta kórý qabiletinen aıyrylý jáne soqyrlyq qaýpin aıtarlyqtaı azaıtatyn - osy júzim.
Maıamı ýnıversıtetiniń ǵalymdary júzimdi únemi jeý aǵzada erkin radıkaldar dep atalatyn zııandy molekýlalar kózdiń ishki tor qabyǵyna kirýine jol bermeıtindigin anyqtady. Antıoksıdanttarǵa mol jıdekter saý jasýshalardy DNK zaqymdanýynan qorǵaıdy, dep jazady sheteldik BAQ.
