DENSAÝLYQ: Júıke júıesin qalaı nyǵaıtýǵa bolady?
ASTANA. QazAqparat - Qalanyń kúndilikti kúıbeń tirshiliginen sharshaǵan adamdardyń júıke júıesin qalaı nyǵaıtýǵa bolady? Bul suraqqa jaýapty tómendegi keńesterden bile alasyz.
Júıke júıesi - bul adam denesiniń mańyzdy jáne kúrdeli bóligi. Ol ómirdiń barlyq qyryn baqylaıtyn úlken jeli ispetti. As qorytý, sezý, seziný, tynys alý osynyń barlyǵy júıke júıesiniń kúrdeli fýnktsııalary. Júıke júıesiniń zaqymdanýy bas aýrýy, zeıin qoıýda qıyndyqtarǵa, sondaı-aq terdiń shamadan tys bólinýi syndy aýrýlarǵa alyp keledi.
1. Kúızelisti azaıtý
Adamnyń júıke júıesi parasımpatıkalyq jáne sımpatıkalyq bolyp ekige bólinedi. Birinshisi, aǵza tynyqqan kezde jumysqa kirisedi. Osy sátte as qorytý, uıqy sııaqty aǵzany qalpyna keltirý kezeńderi júredi. Al, sımpatıkalyq júıke júıesi aǵza is-qımylǵa kiriskende áreket etedi.
Biz únemi stresste júrgen kezde sımpatıkalyq júıke júıesi belsendi túrde jumys isteıdi. Biraq dene uzaq ýaqyt bundaı kúıde júre almaıdy. Osylaısha, júıke júıesi sharshaıdy. Nátıjesinde, uıqysyzdyq, jıi sýyq tııý jáne basqa da jaǵymsyz áserler paıda bolady.
Sımpatıkalyq júıke júıesinde tynyǵý qajet, sondyqtan kúızelisten aýlaq bolý qajet.
2. Tynys alý jattyǵýlary
Tynys alý jattyǵýlary parasımpatıkalyq júıke júıesiniń qyzmetine jaqsy jaǵdaı jasaıdy. Bylaısha aıtqanda, arnaıy tynys alý jattyǵýlary deneńizdi demalýǵa jáne óziniń emdik qabiletin oıatýǵa belgi beredi.
Tynys alý jattyǵýlary ıoganyń ajyramas bóligi bolyp tabylady. Júıke júıesin nyǵaıtýdyń basqa da joldaryn izdeseńiz ıogaǵa jazylyńyz. Óıtkeni, osy tájıirbe myńdaǵan jyldar boıy óziniń oń nátıjelerin bergen.
3. Júıke júıesiniń dıetasy
Tabıǵı jolmen júıke júıesin nyǵaıtýdyń eń jaqsy joly - paıdaly taǵamdardy jeý.
Júıke júıesi qorektik zattar, dárýmender men mıneraldardy kóp talap etedi. Atap aıtqanda, Omega-3 jáne paıdaly maılar, D dárýmeni men V tobyndaǵy dárýmender jáne magnıı.
4. Jaıaý serýendeý
Tabıǵat aıasynda 30 mınýt jaıaý serýendeý júıke júıesine óte tıimdi áser etedi. Ásirese, tańǵy ýaqytta serýendeý paıdaly.
5. Massaj
Júıke júıesin nyǵaıtýdyń óte jaqsy tásili. Turaqty túrde massaj jasatý parasımpatıkalyq júıke júıesiniń demalýyna kómektesedi.
Kerek keńes Internetten alyndy.
