DENSAÝLYQ: Júrektiń amandyǵy úshin kún ystyqta ne isteý kerek?

Tek, jerig aýyratyn emes, barlyq adamǵa arnalǵan ortaq keńes:

- Saǵat túski 12.00-16.00 aralyǵynda dalaǵa shyqpaýǵa tyrysyńyz. Eger ondaı múmkindik bolmasa, kóleńke taýyp, oqta-tekte demalyp turyńyz;

- Ashyq tústi tabıǵı matadan tigilgen kıimder kıińiz;

- Beli tar jáne denege jabysyp turatyn kıimnen bas tartyńyz;

- Et jáne maıdy az jeýge tyrysyńyz. Mázirińizde sút ónimderi jáne ósimdik negizindegi
taǵamdardyń kóp bolýyn qadaǵalańyz. Tuzdan bas tartýǵa tyrysyńyz;

- Sý, mors jáne kók shaı ishińiz. Sonymen qatar, muz jáne lımon qosylǵan shóptik shaılardy ishińiz. Gazdalǵan sýsyndardan bas tartyńyz;

- Eger sý jaǵasyna barsańyz, sýǵa birden túspeńiz. Temperatýranyń birden tómendeýi júrek ustamasyna ákelýi múmkin;

- Kúni boıy ózińizge búrikkishten sý shashýyńyzǵa bolady, alaıda onyń ishindegi sý asa sýyq emes, jyly bolǵany jaqsy.

Júrek aýrýy bar adamdar úshin:

- Bul jaǵdaıda artyq suıyqtyń zııan bolýy múmkin. Eger sizge júrektiń ıshemııalyq aýrýy belgilengen bolsa, táýligine sý men mors ishýdi 800 mıllılıtrge deıin qysqartý kerek. Aǵzada sýdyń toqtap qalýy (zastoı) arterııalyq qysymnyń joǵarylaýyna ákelýi múmkin. Sondyqtan, qatty shóldeseńiz, aýzyńyzdy sýmen shaıyp alyńyz;

- Dárigermen keńesińiz. Qysymǵa arnalǵan dáriler jazyp berýi múmkin;

- Kúnnen qorǵaıtyn kózildirik kıińiz. Kóz bulshyqetterine kúsh salý qan tamyrlarynyń qysylýyna ákeledi;

- Ystyq kúnderi keptirilgen órik, meıiz, banan, qaraqumyq, badana jeńiz. Olar kalıı men magnııge baı, sondyqtan júrektiń qalypty jumys isteýine kómektesedi;

- Temeki tartpańyz. Nıkotın qanǵa ottek kelýine kedergi bolady;

Eger kóshede adamnyń aýyryp turǵanyn kórseńiz, ony kóleńkege aparyp, betine sý shashyńyz. Jaǵasyn ashyp, galstýk taqqan bolsa, ony sheshińiz. Eger jaǵdaıy jaqsarmasa, mindetti túrde jedel járdem shaqyryńyz.